دچاپیریال ساتنی ملي اداري د اقلیم بدلون او سازګاري ریاست لنډه پیژندنه
د اقلیم بدلون او سازګاري ریاست پیژندنه
د اقلیم بدلون او سازګاري ریاست د ډیر پام وړ اړتیا پر بنسټ په ۱۳۸۹ کال کي د چاپیریال ساتني ملي اداري په چوکات کي تاسیس شو دغه ریاست د اقلیم بدلون او دهغه د ناوړي اغیزو په بشری ټولنو او طبیعي زیرمو باندي او همدارنګه د افغانستان د اسلامي جمهوري دولت د تړونونو پر بنسټ د اقلیم بدلون د کنوانسیون (UNFCCC) د موخو د پلي کولو په اړه فعالیت کوي.
موخي
د اقلیم بدلون او سازګاري ریاست د اقلیم بدلون کنوانسیون د موخو د پلي کولو په منظور په ملي او نړیوالو کچه فعالیت کوي.
د اقلیم بدلون او سازګاري ریاست د چاپیریال ساتني د قانون پر بنسټ او همدارنګه د افغانستان د تړونونو کوم چي د اقلیم بدلون کنوانسیون د موخو د پلي کولو په اړه لري د اقلیم بدلون د تاثیراتو په اړه د معلوماتو او ارقامو راټولول په خاصه توګه د کرهني، اوبه، بریښنا، ټولنیزو مسایلو او همدا رنګه د اقلیم بدلون لومړنی ملي راپور (INC) تیارول، په ملي کچه د ګلخانه اي ګازونو د خپریدو مقدار د تثبیت په هکله مطالعه کول، د هیواد په بیلابیلو نقاطو کي د حساس او زیان منونکي ساحاتو مشخص کول او همدارنګه د اقلیم بدلون مهمو ګواښونو په مقابل کي د سازګاري د څرنګوالي په هکله د مطالعي مسؤلیت لري.
د اقلیم بدلون او سازګاري ریاست استراتیژي
د اقلیم بدلون او سازګاري ریاست د خپل و ظیفوی مکلفیتنو او د دندي د لایحي، د چاپیریال ساتني د قانون سره د سمون چي د ۲۲ مادي د حکم څخه اخستل شوی او د نهمي مادي د ۳، ۷ او ۱۲ بندونو د رعایت کولو او د چاپیر یال ساتني ملي اداري استراتیژي او پالیسی پر بنسټ لاندني فعالیتونه او مسولیتونه په غاړه لري.
- د اقلیم بدلون ملي رپوټونو تیارول
- د ګلخانه اي ګازونو د خپریدو د مقدار تثبیتول
- د پاکي پراختیا میکانیزم (CDM) مطالعه کول او ددغه تکنالوژی انتقال په هیوادکي
- په هیواد کي د اقلیم بدلون د اغیزو سره د سازګاری او د ګلخانه ای ګازونو د خپریدو د کمولو په اړه مطالعه کول
- د اقلیم بدلون د اغیزو په اړه معلومات راټولول په بیلابیلو سکتورونو لکه کرهني، اوبه او طبیعی سرچیني
موخي او دنده
- د ملګرو ملتونو د اقلیم بدلون کنوانسیون د موخي پلي کول
- د کیوتو پروتوکول غړیتوب لاسته راوړل او همدارنګه د افغانستان په ګټه ددغه پروتوکول د فوایدو څخه ګټي اخستنه
- په هیواد کي د پاکي پراختیا میکانیزم د پروژو پلي کول او تکنالوژیو انتقال د هوا د ککړتیا او د اقلیم بدلون د اغیزو د کمولو په موخه
- د مرستندویو زیرمو پیژندنه د اقلیم بدلون د پروژو د نظارت او تعقیبولو په موخه
د اقلیم بدلون او سازګاری ریاست مهمي فعالیتونه
- د توافق او سازګاري ملي اقداماتو برنامي تیارول او خپرول (NAPA)
- د ملي ظرفیتونو ځان ارزوني تیارول او خپرول (NCSA)
- د اقلیم بدلون لومړنی ملي رپوټ(INC) تیارول او خپرول او دهغه تسلیمول د ملګرو ملتونو د اقلیم بدلون کنوانسیون سکرتریت ته
- د اقلیم بدلون ملي کمیټي جوړول
- د اقلیم بدلون سره د سازګاری او توافق پروژو د رهبري کمیټه جوړول.
- د اقلیم بدلون ملي کمیسیون تګلاره تیارول
- د اقلیم بدلون او سازګاري ریاست ډیټابیس تیارول
- په ملي کچه دهمکاریو ټاکل شوی موخه (INDC) تیارول او دهغه لیږدول د ملګرو ملتونو د اقلیم بدلون کنوانسیون(UNFCCC) سکرتریت ته
- په ملي کچه دهمکاریو ټاکل شوی موخه (INDC) د رهبري کمیټه جوړول
- د اقلیم تکنالوژي شبکه او مرکز (CTCN) رهبري کمیټه جوړول
- د غړو یوویشتمي کنفرانس (COP21) رهبري کمیټه جوړول
- د افغانستان لپاره د اقلیم بدلون استراتیژي او عملي پلان (CCSAP) تیارول او نشر
- د افغانستان لپاره د ګلخانه اي ګازونو د کمولو مناسبه ملي اقداماتو (NAMA) تیارول او نشر
- د افغانستان لپاره د سازګاري او توافق ملي پلان (NAP) تیارول او نشر
- د پاکي پراختیا میکانیزم (CDM) پروژو د با صلاحیته ملي نهاد تګلاره تیارول او نشر
- د اقلیم بدلون دوهمي ملي رپوټ (SNC) مسودي باندي کار کول
- د پاکي پراختیا میکانیزم (CDM) پروژو د رهبري او تخنیکي کمیټوجوړول
- د اقلیم بدلون کنوانسیون سکرتریت سره دوامداره همکاري
- د وزیرانو شوراء د فیصلي پر بنسټ د اقلیم بدلون په اړه د پاریس توافق نامي (COP21) دري او انګلیسي متن مختلفو دولتي اداراتو ته لیږدول
- د کابل ولایت په څوارلس ولسوالیو کي د اقلیم بدلون له کبله د زیان منونکي نقاطو سروي او مشخص کول
- د کابل ښار تولیدي فابریکو صنعتي زیان منونکي سروي
- په افغانستان کي د اقلیم بدلون د اغیزو څخه د زیان منونکي په اړه د رسالي تیارول
- د کرهني په سکتور کي د اقلیم بدلون سره د سازګاري په اړه د لارښود تیارول
- د ګلخانه ای ګازونو د ټیټ انتشار پراختیایي استراتیژي مسودي تیارول
- د ملګرو ملتونو د چاپیریال ساتني پروګرام دفتر په تخنیکي مرستي سره د اقلیم بدلون کنوانسیون په چوکاټ کي د افغانستان دوه کلني لومړنی رپوټ (BUR) په تیارولو باندي د کار پیل
- د چاپیریال ساتني ملي اداري د اقلیم بدلون او سازګاري ریاست له خوا د لومړی ځل لپاره د اقلیم بدلون نړیوال اونی لمانځنه
په داخلي او خارجي ورکشاپونوکي د کارکونکو معرفي کول
په داخلي اوخارجي ښوونیز ورکشاپونو کي د اقلیم بدلون او سازګاري ریاست کارکونکو معرفي او ګډون
د ورکشاپونو دایرول
د چاپیریالیز مسایلو په اړه په مرکز او ولایاتو کي د ښوونیز ورکشاپونو دایرول
د پریزنټیشنونو تیارول او ارایه کول
د ورکشاپونو ګډونوالو لپاره د اقلیم بدلون مسایلو په اړه د پریزنټیشنونو تیارول او ارایه کول
په بیلابیلو مواردوکي د نظریاتو ارایه کول
د ترلاسه شوی اسنادونو، پالسیو او استراتژیو په اړه د نظریاتو ارایه کول
د اقلیم بدلون ریاست لا زیات پیژندنې لپاره لاندی لینکونو ته مراجعه وکړی :