وروستی
د خواخوږۍ او ډاډګېرنې پيغام
څو ورځې وړاندې او تېره ورځ د چاپېریال ساتنې ملي ادارې درې تنه تکړه کارکوونکي هر یو: مرحوم سید شاه جهان سادات د ننګرهار ولایت د چاپېریال ساتنې ریاست د پلان عمومي مدیر، مرحوم حاجي عبدالرفیع غیور او عطیع الله ایشان زاده د مرکزي ادارې کارکوونکو، د کورونا وبا له امله، له فاني نړۍ څخه سترګې پټې کړې چې مرګ یې زموږ ټولو لپاره دردوونکی او خواشینوونکی دی.
انا لله و انا الیه راجعون
هغوی زموږ تکړه او پیاوړي کارکوونکي وو، د وطن د آبادۍ لپاره یې ډېرې هلې ځلې کړي، مړینه د چاپېریال ساتنې ملي ادارې کورنۍ لپاره ستره ضایعه ده.
د چاپېریال ساتنې ملي ادارې مشرتابه پلاوی او ټول کارکوونکي د نوموړو د مړينې له کبله د دوی کورنیو او دوستانو ته د ډاډګیرنې او تسلیت مراتب وړاندې کوي، خدای تعالی دې ورته جنتونه په نصیب او خواخوږو ته دې جمیل صبر او عظیم اجر ورکړ، یاد یې تل پاتې او ګورونه یې له رڼاګانو ډک.
د چاپېریال ساتنې ملي اداره