وروستی
په چاپېریال ساتنه کې د خبریالانو ونډه
د مرغومي ۹مه نېټه کابل
د چاپېریال ساتنې ملي ادارې نن سه شنبه د مرغومي په ۹مه نېټه د دې ادارې د بند امیر د غونډو په تالار کې (په چاپېریال ساتنه کې د خبریالانو ونډې) تر عنوان لاندې یو ورځنی رونیز ورکشاپ جوړ کړ، چې پکې د مختلفو رسنیو ۴۵ تنو استازو او خبریالانو ګډون کړی وو.
په پیل کې د چاپېریال ساتنې ملي ادارې مسلکي معین انجنیر عزت الله صدیقي ګډونوالو ته ښه راغلاست ووایه او د داسې پروګرامونو جوړول یې خورا اړین وبلل.
ښاغلي صدیقي د هواککړتیا د زیاتوالي او لاملونو په تړاو مفصل معلومات وړاندې کړل او زیاته یې کړه: د هواککړتیا نړۍوال ګواښ دی چې افغانستان هم ورسره لاس او ګرېوان دی، په ځانګړي توګه کابل ښار د هوا ککړتیا له امله خورا اغېزمن دی چې د راکمولو او مخنیوي لپاره یې د رسنیو ونډه زیاته اړینه ده؛ مطبوعات کولی شي د چاپېریالی مسایلو په تړاو بېلابېلې برنامې جوړې کړي او د خلکو د عامه پوهاوي کچې لوړولو سربېره ښکیلې ادارې خپلو مسوولیتونو ته متوجه کړي. ده هیله وښوده چې رسنۍ باید په چاپېریال ساتنه کې خپل مسوولیت ادا کړي.
د ورکشاپ په لړ کې د چاپېریال ساتنې ملي ادارې کارپوهانو او د جرس موسسې استازي لخوا ګډونوالو ته د مختلفو چاپېریالي موضوعاتو په هکله معلوماتي پرزنټېشنونه وړانداې شول.
په پای کې د چاپېریال ساتنې ملي ادارې مسلکي معین د ګډونوالو پوښتنو ته هر اړخیز ځوابونه ورکړل او د اطلاعاتو او عامه پوهاوي ریاست ته یې لارښوونه وکړه چې له خبریالانو سره همغږي لا پیاوړې کړي او د چاپېریالي مسایلو په تړاو د خبریالانو د ظرفیت لوړولو په موخه په هرو دوو میاشتو کې د عامه پوهاوي ورکشاپونه جوړ کړي.
د یادولو وړ ده چې یاد ورکشاپ د جرس موسسې په مالي ملاتړ ترسره شو
خبریال: عبدالولي عابد
عکاس: سید امید سادات
.