وروستی
د محلي ارګانونو خپلواکې ادارې مشر: "د نیالګیو کېنولو ملي کمپاین به په ټولو ولایتونو کي په جدي توګه عملي شي"
کابل د کب ۱۰ مه
دچاپېریال ساتنې ملي ادارې عمومي رئیس شاه زمان میوندي له وزیرانو او لوړ پوړو دولتي چارواکو سره د خپلو لیدنو په ترڅ کې نن یکشنبه د ۱۳۹۹ یم کال د کب په ۱۰ مه نېټه د محلي ارګانونو خپلواکې ادارې له عمومي رئیس شمیم خان کټوازي سره د هغه په کاري دفتر کې وکتل.
په دې لیدنه کې دواړو خواوو په ټول هېواد کې د نیالګیو کېنولو ملي پروسې د لا ښه تطبیق په موخه هر اړخیز بحث وکړ.
ښاغلي میوندي د نیالګیو کېنولو کمپاین یوه ملي پروسه وګڼله او ویې ویل: هغه پلان چې د چاپېریال ساتنې ملي ادارې او اړوندو ادارو په همکارۍ جوړ شوی، د محلي ارګانونو خپلواکې ادارې رول خورا با ارزښته دی.
په دې لیدنه کې دواړو خواوو د ۱۴۰۰کال د نیالګیوکېنولوملي_کمپاین او پلان پر ښه تطبیق ټینګار وکړ.
د یادولو وړ ده چې د لیدنو دغه لړۍ به د نیالګیو کینولو ملي پروسې په تړاو د دولتي ادارو تر منځ د همغږۍ د لاپیاوړتیا په خاطر د چاپیریال ساتنې ملي ادارې له لوري ادامه ولري.
د منظور شوي پلان پر اساس به سږ کال د دولتي ادارو لخوا د ټولنې مختلفو اقشارو په همکارۍ په ټول هیواد کې ۲۵ میلیونه نیالګي کینول شي.
په پای کې دواړو خواوو ټینګار وکړ چې دنیالګیو کېنولو ملي پروسې د لا ښه تطبیق په موخه باید د دولتي ادارو تر منځ همغږي لا پیاوړې شي او د نیالګیو د ساتنې او پالنې لپاره هڅې ګړندۍ شي.