وروستی
د چاپېریال ساتنې ملي ادارې او د اوبو چارو د تنظیم ملي ادارې عمومي رئیسانو ګډه ناسته وکړه
۱۳۹۹کال د کب ۱۳مه - کابل
د چاپيریال ساتنې ملي ادارې عمومي رئیس شاه زمان میوندي او د اوبو چارو د تنظیم ملي ادارې عمومي رئیس خان محمد تکل د دواړو ادارو تر منځ د همکاريو د پياوړتيا په تړاو بحث وکړ.
شاه زمان ميوندي د اوبو چارو د تنظیم ملي ادارې کړنې وستايلې، د هېواد په کچه يې د اوبو مدیریت او د کمال خان بند د رغنيزو چارو بشپړیدل ستره لاسته راوړنه وبلله.
نوموړي همداراز د دواړو ادارو تر منځ د همکاريو د پياوړتيا، د کاري اطلاعاتو او پروژهيي معلوماتو د تبادلې خبر ورکړ او دوه اړخيزه همکاري يې ګټوره او اغېزناکه وبلله.
ښاغلي میوندي د اوبو چارو د تنظیم ملي ادارې له مشرتابه څخه د نيالګيو کېنولو ملي کمپاین په پلي کېدو کې د همکارۍ غوښتنه وکړه.
د اوبو د چارو د تنظیم ملي ادارې عمومي رئيس خان محمد تکل د چاپېريال ساتنې ملي ادارې د کړنو ستاينه وکړه او ټینګار يې وکړ چې د اوبو د سم مدیریت او چاپېریال ساتنې په برخه کې هر ډول همکارۍ ته چمتو دي. ده همداراز د کمال خان بند د پرانېستې په اړه خبرې وکړې او په دې ملي پروژه کې يې د چاپېريالي مسایلو په پام کې نيولو په تړاو د چاپېريال ساتنې ملي ادارې د همکارۍ غوښتنه وکړه.
هرا فغان یوه ورځ یو نیالګی
د سولې او ښېرازۍ نیالګی