وروستی
د مضره ګازونو او راډیو اکټیف وړانګو د کنټرول په برخه کې د هستوي انرژۍ ادارې د همکارۍ هرکلی
د چنګاښ ۱۲مه کابل
د چاپېریال ساتنې ملي ادارې عمومي رئیس پښتون عاطف نن د چنګاښ په ۱۲مه نېټه د هستوي انرژۍ ادارې له سرپرست زاهدالله زاهد سره په خپل کاري دفتر کې وکتل.
په دې لیدنه کې د دواړو ادارو مشرانو پرګډه همکارۍ، په ملي کچه د راډیو اکټیف وړانګو او مضره ګازونو د کنټرول په تړاو هر اړخیز بحث وکړ.
د دې ادارې عمومي رئیس ټینګار وکړ چې چاپېریال ساتنه د دولتي، نادولتي او ټولو هېوادوالو ګډ مسوولیت دی. ده وویل: د چاپېریال ساتنې ملي ادارې چمتو ده چې له همکارو ادارو سره د ګډې همکارۍ تفاهم لیکونه لاسلیک کړي.
د هستوي انرژۍ ادارې سرپرست د دواړو ادارو د همغږۍ پر پیاوړتیا ټینګار وکړ او له چاپېریال ساتنې ملي ادارې سره یې په ګډه د برنامو پر عملي کیدو د همکارۍ ژمنه وکړه.