وروستی
د چاپېریالي ګواښونو پر مدیریت د چاپېریال ساتنې ملي ادارې ټینګار او دریم زریز (SDGs) موخو ته رسېدل
د چنګاښ ۱۳مه کابل
د چاپېریال ساتنې ملي ادارې عمومي رئیس پښتون عاطف د چنګاښ په ۱۳مه نېټه په افغانستان کې د ملګرو ملتونو د پراختیايي پروګرام له رئیس عبدالله الدرداري او د (UNDP) موسسې مرستیال ادریس ملیار سره په چاپېریالي برخه کې د دوامداره همکارۍ په هکله د ویډیو کنفرانس له لارې بحث وکړ.
ښاغلي عاطف د چاپېریال ساتنې په برخه کې د یادې موسسې له دوامداره همکاریو څخه مننه وکړه او د موجوده چاپېریالي ننګونو په تړاو یې خبرې وکړې و یې ویل: "افغانستان له خورا زیان منونکو هیوادونو څخه دی چې د نړیوال اقلیمي بدلون له تاثیراتو څخه اغیزمن شوی او اړتیا ده چې د چاپېریالي ننګونو د حل او دریم زریز (SDGs) موخو ته د رسیدو لپاره باید د کورنیو او بهرنیو شریکانو په ګډه همکارۍ او همغږۍ لازم اقدامات ترسره کړو". ښاغلي عاطف څرګنده کړه چې د چاپېریال ساتنې ملي اداره په روښانه ستراتېژۍ کار کوي ترڅو د چاپېریال ساتنې په برخه کې د ملي فعالیتونو او برنامو د اهدافو ترلاسه کولو لپاره باید د (UNDP) موسسه په دې برخه کې همکاري وکړي.
ورپسې د(UNDP) موسسې رئیس ښاغلي الدرداري له چاپیریال ساتنې ملي ادارې سره د دوامداره همکارۍ ډاډ ورکړ او زیاته یې کړه چې د ستراتیژیو د جوړولو، د دوامداره پراختیا زر کلنو موخو پلي کولو، د چاپېریالي پروپوزلونو په پراختیا او د چاپېریال ساتنې په برخه کې د کوچنیو او سترو پروژو د تطبیق، د نړیوالو مالي میکانیزمونو له لارې، په ځانګړي توګه د نړیوالو چاپېریالي اسانتیاوو (GEF) او د زرغون اقلیم صندوق(GCF) په برخه کې به له دې ادارې سره همکاري کوي.