وروستی
د معدنونو په استخراج کي دي د چاپیریال ساتني معیارونه په پام کي ونیول شي
۱۴۴۴کال د جمادي الثاني ۱۶مه/ ننگرهار
د ننګرهار ولایت د چاپېريال ساتنې رياست د کنټرول او تفتیش ټیم له لوري د ګوشتې ولسوالۍ اړوند د اولو ناو په ساحه کې د افغان زمین سنګ، د نفرایټ معدن او د بهیرماربل د معدنونو د استخراج له شرکتونو څخه لیدنه تر سره شوه.
د یاد ومعدنونو د استخراج پروژو ته له وړاندې د چاپېریال ساتنې ملي ادارې له لوري د فعاليت جوازونه ورکړل شوی وو چې د چاپېريالي شرایطو د پلي کولو په موخه ترې ليدنه ترسره شوه.
د لیدنې په ترڅ کی د یادو پروژو مسئولینو ته نیمګړتیاوې په ګوته او د حل په موخه ورته لازمې سپارښتنې وشوې؛ ترڅو په خپل فعالیت کې چاپېریالي شرایط لازیات تطبیق کړي.
د چاپېريال ساتنې ملي اداره پر ټولو معدن استخراج کوونکو غږ کوي چې د ګران هېواد د تل پاتې پرمختګ، د اوسنيو او راتلونکو نسلونو د ژوند خوندیتوب او هوساینې په موخه دې خپل فعالیتونه له ملي او نړيوالو نورمونو او ستندردونو سره برابر او هم دې د فعالیت یا پروژې له اکمال او پای څخه وروسته د استخراج د ساحې بیا رغونې او احیاء په برخه کې خپلې ورکړل شوې ژمنې عملي کړي.
