وروستی
د چاپېریال ساتنې ملي ادارې عمومي رئيس د ریاست الوزراء له سیاسي مرستیال سره وکتل
د چاپیریال ساتنې ملي ادارې عمومي رئيس حافظ عزیز الرحمن د
افغانستان اسلامي امارت د ریاست الوزراء له سیاسي مرستیال محترم مولوي عبدالکبیر
سره وکتل.
په دې کتنه کې د چاپیریال ساتنې ملي ادارې عمومي رئيس د خپلو لاسته راوړنو او
راتلونکو پلانونو په اړه معلومات چې د غوره چاپیریال او اقلیم په موخه چمتو شوي، د
ریاست الوزراء له سیاسي مرستیال سره شریک کړل.
حافظ عزیز الرحمن زیاته کړه: افغانستان له اقلیمي بدلونونو څخه متضرر هېواد دی او
دا اداره یې د مخنیوي کوښښ کوي. هغه وویل: د خپل پرسونل د ظرفیت لوړول یې په لومړیتوب
کې نیولي دي.
د ریاست الوزراء محترم سیاسي مرستیال په هېواد کې اقلیمي بدلونونو ته په اشارې وویل،
د غوره چاپیریال برابرولو په برخه کې د ادارو تر منځ همغږي مهم ګام دی. نوموړي زیاته
کړه، د چاپيریال او هوا د ککړتیا د مخنیوي په برخه کې دې له شته امکاناتو او ظرفیت
څخه کار واخیستل شي.
نوموړي له هېوادوالو او ټولو ادارو، په ځانګړي ډول صنعتکارانو څخه وغوښتل چې دچاپیریال
ساتنې ته پام وکړي.