وروستی
مولوي عبدالسلام حقاني د چاپېریال ساتنې ملي ادارې د مالي او اداري معین په توګه رسماً دنده پیل کړه
۱۴۴۴کال
د رمضان ۲۴مه/
کابل
نن شنبه د ۱۴۴۴کال
د رمضان المبارک په ۲۴مه
نېټه مولوي عبدالسلام حقاني د یوې غونډې په ترڅ کې چې د اسلامي امارت چارواکو، د
ادارې عمومي رئیس حافظ عزیز الرحمن، مسلکي او پالیسي معین ډاکټر زین العابدین
عابد، رئیسانو او کارکوونکو هم حضور درلود؛ د چاپېریال ساتنې ملي ادارې مالي او
اداري معین په توګه د دې ادارې کارکوونکو ته معرفي شو.
غونډه د قران عظیم الشان مبارکو آیتونو په تلاوت پیل او د دې ادارې عمومي رئیس
حافظ عزیزالرحمن د ګډونوالو هرکلی وکړ او هر اړخیزه اصلاحي وینا یې وکړه.
ښاغلي حافظ ژمنه وکړه چې د نوي معین سره به د وررګلوۍ په فضا کې په ګډه سره د هېواد
د سمسورتیا او آبادۍ لپاره کار کوي.
د چارو ادارې د نظارت او پالیسۍ مرستیال مولوي سیف الدین تائب هم وینا وکړه او د ښاغلي
مولوي عبدالسلام حقاني د ټاکل کېدو حکم یې ولوست.
د دې ادارې مدرس مولوي حبیب الله غزنوي د اسلام سپیڅلي دین له نظره د وظیفوي مسوولیت
په تړاو وینا وکړه او ویې ویل: دنده او وظیفه د اسلام له نظره امتیاز نه بلکې
دروند بار دی چې الله تعالی ته به یې پر وړاندې مسوول وي. ده وویل: زموږ اسلاف د ښې
حکومتولۍ غوره بیلګي دي که څوک غواړي چې په خپله دنده کې بریالی شي؛ نو د اسلافو
تاریخ دې حتماً ولولي.
د غونډې په پای کې د دې ادارې مالي او اداري معین مولوي عبدالسلام حقاني وینا وکړه
او ژمنه یې وکړه چې د ادارې د پیاوړتیا لپاره به په ګډه کار کوي.