وروستی
د مرغانو او کبانو ښکار د مخنیوي کمپاین په جدي توګه روان دی
۱۴۴۴کال
د شوال ۹مه/
پروان-لغمان
په پروان او لغمان ولایتونو کې د چاپېریال ساتنې ریاستونو
مسوولینو د کبانو او مرغانو د ښکار د مخنیوي کمپاین پر دوام د پروان ولایت د
مرغانو د پلور په بازار کې ۴نایابه
مرغان د ښکاریانو له منګولو خلاص او آزاد شول. همداراز د لغمان ولایت د علیشنګ سیند
په اوږدو کې یو شمېر ښکاریان چې د جال په واسطه یې کبان ښکار کول ونیول شول، د ښکار
وسایل یې ضبط او کبان بېرته په اوبو کې خوشې شول.
د یادونې
وړ ده چې په هېواد کې د څو لسیزو جګړو په اوږدو کې د بشري ناخوالو سربېره د
افغانستان ځنګلونو او وحشي ژوو ته سخت زیان اووښتی چې اوسمهال د ډیرو ژوو او
الوتونکو نسل د ورکیدو له ګواښ سره مخ دی؛ په همدې خاطر د ریاست الوزرا عالي مقام
حکم په اساس په ټول هېواد کې ښکار بند دی او هر څوک چې سرغړونه وکړي اصولي چلند به
ورسره وشي.