وروستی
د ژوند بڼو ملي ستراتیژۍ د ارزونې په هکله درې ورځنی مشورتي ورکشاپ پای ته ورسېد
۱۴۴۴کال د شوال ۲۱مه/ کابل
د چاپېریال ساتنې ملي ادارې له خوا د ۱۴۰۲کال د ثور په ۱۹مه نېټه د ژوند بڼو ملي
ستراتیژي او د عمل پلان مسودې د وروستۍ ارزونې په هکله درې ورځنی مشورتي ورکشاپ نن
د ثور په ۲۱مه نېټه له هر اړخیزو بحثونو او مشورو وروسته پای ته ورسېده.
په دې مشورتي ورکشاپ کې چې د چاپېریال ساتنې ملي ادارې د مسلکي او پالیسي چارو معین
ډاکټر زین العابدین عابد، رئیسانو، متخصصینو، د وحشي ژوو د ساتنې (WCS) موسسې رئیس او متخصصینو، د کابل پوهنتون استادانو او د اړوندو
ادارو استازو ګډون کړی وو د کارپوهانو او متخصصينو لهخوا د ژوند بڼو ملي ستراتیژي
او د عمل پلان د څرنګوالي په هکله هر اړخيز معلوماتي پرزنتېشنونه وړاندې شول.
ګډونوالو د ژوند بڼو پر ستراتيژۍ هر اړخيز بحثونه وکړل او خپل نظرونه او وړانديزونه
يې له دې ادارې سره شریک کړل.
د ورکشاپ په پای کې د چاپېریال ساتنې ملي ادارې د مسلکي او پالیسي چارو معین ډاګټر
زین العابدین عابد له ټولو ګډونوالو او د (WCS)موسسې له مسوولینو
مننه وکړه.
ښاغلي عابد پر ګډونوالو غږ وکړ چې د ښېرازه افغانستان او د دې ملي سند د غنامندۍ
لپاره دې خپل نظرونه او وړاندیزونه له دې ادارې سره شریک کړي.
د يادونې وړ ده چې د اړوندو ادارو استازو نظرونه او وړانديزونه به د متخصصينو تر څېړنې
او ارزونې وروسته پر يادې ستراتيژۍ کې و اوډل شي.