وروستی
په هلمند کې یوه ځوان د تریشل د ګرد د مخنیوي په موخه یوه وسیله جوړه کړې ده
۱۴۴۴کال
د ذالقعدې۱نېټه/
هلمند
ډیری انساني فعالیتونه دي چې له امله یې هوا ککړیږي، له دې
جملې څخه د غنمو، وربشو او نورو فصلونو د تریشل پر مهال دوړې او ګرد زیاتیږي او د
هوا د ککړتیا لامل ګرځي. په هلمند ولایت کې
د خان محمد په نوم یوه ځوان د تریشل د ګرد او دوړو د مخنیوي لپاره یوه وسیله جوړه
کړې ده چې۹۰
فیصده د تریشل د دوړو او ګردونو څخه مخنیوی کوي.
د
هلمند ولایت د چاپېریال ساتنې ریاست مسوولینو د یادې وسیلې د لیدنې لپاره د نادعلي
ولسوالۍ ته سفر وکړ؛ ترڅو د یادې وسیلې مؤثریت له نېږدې څخه وګوري د لیدنې په ترڅ
معلومه شوه چې یاده وسیله د تریشل کولو پر مهال ۹۰سلنه د دوړو او ګرد مخنیوی
کوي.
د هلمند ولایت د چاپېریال ساتنې ریاست د هواککړتیا د مخنیوي
په برخه د هر ډول هڅو ستاینه کوي او پلان لري چې
د هلمند ولایت په ټولو ولسوالیو کې د فصلونو د تریشل کولو پر مهال له یادې
وسیلې څخه استفاده وشي؛ ترڅو د هواککړتیا مخه ونیول شي.