وروستی
د چاپېریال ساتنې ملي ادارې د عوایدو لوړولو په موخه د ماليې وزارت له پلاوي سره ناسته وکړه
۱۴۴۴کال
د ذالقعدې۵مه-
کابل
د چاپېریال ساتنې ملي ادارې عمومي رئیس حافظ عزیز الرحمن په مشرۍ د دې ادارې د بند
امیر غونډو په تالار کې نن د ۱۴۰۲کال
د غبرګولي په ۴مه
نېټه د مالي وزارت له لوړپوړي پلاوي سره د دې ادارې د عوایدو لوړولو په موخه غونډه
وسوه.
په
دې ناسته کې د چاپېریال ساتنې ملي ادارې مالي او اداري معین مولوي عبدالسلام
حقاني، رئیسانو، تخنیکي ټیم او د مالي وزارت د عوایدو عمومي رئیس په مشرۍ پلاوي ګډون
کړی وو.
غونډه د قران عظیم الشان د مبارکو آیتونو په تلاوت پيل، د دې ادارې عمومي رئیس د ګډونوالو
هرکلی وکړ او د ټول هېواد په کچه یې د عوایدو د زیاتوالي او داخلي بودیجې د تمویل
په برخه کې د اقتصادي کمیسون او مالیې وزارت هلې ځلې وستایلې.
ښاغلي حافظ وویل: د چاپېریال ساتنې ملي ادارې د خپلو عوایدو د زیاتوالي په برخه کې
کار کړی او ځینې طرحې چې د کانونو د استخراج، طبیعي سرچینو څخه د مؤثرې استفادې او
نظارت او تفتیش په برخه کې چمتو شوې دي د اړوندو ادارو سره شریکې شوې دي. نوموړي
ژمنه وکړه چې د داخلي عوایدو کچې لوړولو په برخه کې هر ډول همکارۍ ته چمتو یو.
د مالیې وزارت د عوایدو عمومي رئیس وویل: د اسلامي امارت ټول مسوولین باید د عوایدو
په لوړولو او په خپلو ادارو کې د پوره شفافیت لپاره اقدامات او هلې ځلې وکړي.
نوموړي زیاته کړه: په داسې حال کې چې افغانستان له نړۍ سره په اقتصادي جګړه کې ښکیل
دی؛ خو لله الحمد دا د شفافیت او مسوولینو د ستړیاوو هڅې دي چې زموږ عواید لوړ شول
او د لومړي ځل لپاره د امارت بودیجه د داخلي عوایدو څخه تمویلیږي.
د ماليې وزارت پلان لري چې د چاپېریال ساتنې ملي اداره په ټولو سکتورونو کې دخیل
شي او د یوه مهم ارګان په حیث د داخلي عوایدو په لوړولو کې یې د متخصصینو له
نظرونه ګټه واخیستل شي.
د چاپېریال ساتنې ملي ادارې مالي او اداري معین مولوي عبدالسلام حقاني هم وینا وکړه
او ټینګار یې وکړ چې په باندنیو کومکونو او مرستو باید اتکا او تکیه و نه کړ، موږ
باید د خپلو داخلي عوایدو لوړولو لپاره هلې ځلې وکړو.
په غونډه کې د ګډونوالو لخوا تخنیکي بحثونه وشول او پرېکړه وشوه چې د پلانونو او
طرحو د تطبیق لپاره د دې ادارې او مالیې وزارت تخنیکي ټیمونه وټاکل شي او په
راتلونکي کې به په دوامداره توګه په ګډه کار کوي.