وروستی
په کونړ کې د چاپېریال نړیواله ورځ د پلاستیکي ککړتیا پر وړاندې مبارزې شعار تر عنوان لاندې ولمانځل شوه
۱۴۴۴کال
د ذی القعدې ۱۷مه - اسعدآباد
د کونړ ولایت د چاپېریال ساتنې ریاست د ۴۱۰۲ کال د جوزا په ۱۵مه نېټه د چاپېریال نړیواله
ورځ د سید جمالدین افغان پوهنتون د کمپیوټر ساینس پوهنځي کې "د پلاستیکي ککړتیا
پر وړاندې مبارزه" نړۍوال شعار تر عنوان لاندې د یوې لویې غونډې په ترڅ کې
ولمانځله.
په دې مراسمو کې د ولایت مقام بېلابېلو ادارو رئیسانو، د
پوهنتون رئیس او استادانو، د اسعدآباد ښاروال، د اکټیډ مؤسسې استازو او محصلینو ګډون
کړی وو.
غونډه د قرانکریم د مبارکو آیاتونو په تلاوت پېل شوه او د سید
جمالدین افغان پوهنتون رئیس محیب الله محب ګډونوالو ته ښه راغلاست ووایه او د چاپېریالي
موضوعاتو په اړه یې تفصیلې خبرې وکړې.
ورپسې د کونړ ولایت د چاپېریال ساتنې رئیس ډاکټرمحمد رحمن
صابر د پلاستیکي ککړتیا د اضرارو په هکله هر اړخیزه خبرې وکړې.
د غونډې په لړ کې د پوهنتون استاد، پوهنیار محیب الله صافي د چاپېریال ساتنې نړیوالې ورځې
د اهمیت په تړاو ګډونوالو ته معلوماتي پرزنټیشن وړاندې کړ.
ورپسې د چاپېریال ساتنې ریاست د طبیعي میراثونو مدیر
احمدشاه مجروح د چاپېریالي ککړتیاوو، شین کوریزو غازونو، تیزابي بارانونو، د اوزون
پوړ د تخریب او پلاستیکي ککړتیا د زیانونو؛ د سید جمالدین افغان پوهنتون د کمپیوټر
ساینس پوهنځي رئیس د چاپېریالي ککړتیاوو او د اکټیډ مؤسسې د اړیکو مسؤل سید احمد پیمان
د چاپېریال اړوند موضوعاتو په اړه ګډونوالو ته ویناوې وکړې او په پای کې د سید
جمالدین افغان پوهنتون کې د پاکوالي عمومي حشر ترسره شو.
د یادونې وړ ده چې یاد مراسم د اکټیډ (ACTED) مؤسسې په مالي ملاتړ ترتیب شوي وو.