وروستی
سلګونو زده کوونکو ته د پلاستیک د زیانونو په هکله عامه پوهاوی ورکړل شو
۱۴۴۴کال
د ذالقعدې ۲۵مه/
کونړ
سږ کال د چاپېریال نړۍواله ورځ د پلاستکي ککړتیا پر وړاندې
د مبارزې تر شعار لاندې ولمانځل شوه چې موخه یې د پلاستیک د زیانونو په تړاو د
خلکو د عامه پوهاوي کچې لوړول وو، په همدې موخه د کونړ ولایت د چاپېریال ساتنې ریاست
د عامه پوهاوي ټیم د پلاستیکي ککړتیا سره د مبارزې په تړاو په ښوونځیو کې د زده
کوونکو د عامه پوهاوي کچې لوړولو برنامې پیل کړي
دي چې په دې لړ کې یې د نوښت خصوصي لیسې ۴۰۰ تنو زده کوونکو ته د پلاستیک د زیانونو په هکله عامه پوهاوی ورکړ او د یادې لیسې له استادانو یې وغوښتل چې خپل زده کوونکي چاپېریال ساتنې ته وهڅوي.
چاپېریال ساتنه زموږ ټولو ملي او ایماني مسوولیت؛ نو راځئ چې
خپلو ماشومانو ته مو په کوچنیوالي کې چاپېریال ساتنه ور زده کړو!