وروستی
د چاپېریالي اصولو د تطبیق په موخه د ۲۲فابریکو او ۱۰ د خښتو بټیو له فعالیتونو څخه څارنه وشوه
۱۴۴۵کال
د مُحرم ۱۳نېټه/
کابل
د هواککړتیا د راکمولو او مخنیوي او همدا راز د چاپېریالي
اصولو د تطبیق په موخه د دې ادارې مفتشین په مرکز او ولایتونو کې په دوامداره توګه
د هوا له ککړونکو سرچینو څخه په جدي توګه نظارت کوي او له سرغړوونکو سره قانوني
چلند کوي.
د دې ادارې مفتشینو تېره ورځ د کابل په صنعتي پارکونو کې د ۲۲ صنعتي او تولیدي فابریکو او
همدا راز د ده سبز ولسوالۍ په غریب غونډۍ سیمه کې د ۱۰خښتو بټیو له فعالیتونو څخه څارنه
وکړه چې له دې جملې څخه د ۶
فابریکو له مسوولینو څخه د چاپېریالي اصولو د تطبیق په موخه لیکلې ژمنې واخیستل شوې.
د چاپېریال ساتنې ملي ادارې مفتشینو د فابریکو او د خښتو بټیو
مسوولینو ته د چاپېریال قانون او اصولو په هکله معلومات ورکړل او سپارښتنه یې ورته
وکړه چې خپل ورځني فعالیتونه د چاپېریالي اصولو مطابق ترسره کړي.
د چاپېریال ساتنې ملي اداره له ټولو هېوادوالو څخه غوښتنه
کوي چې چاپېریال ساتنه خپل مسوولیت وګڼي او د هوا، اوبو او خاورې ککړتیا په مخنیوي
کې له دې ادارې سره همکاري وکړي.