وروستی
په میدان وردگو کې د طبعیت نړۍواله ورځ ولمانځل شوه
۱۴۴۵ کال
د محرم ۲۰مه- میدان
وردگ
د میدان
ورګو ولایت د چاپېریال ساتنې ریاست له خوا د ۱۴۰۲کال د زمري په ۱۵مه نېټه د ولایت مقام د غونډو
په تالار کې د طبیعت نړیواله ورځ ولمانځل شوه.
په دې مراسمو کې د میدان وردګو مرستیال والي مولوي سیف
الرحمن حافظ، د مختلفو ولایتي ادارو مسوولینو، ولسوالانو، د پیاوړتیا لوړولو، چاپېریال
ساتنې او بشري مرستو موسسې (REHA) مسوولینو
ګډون کړی وو.
غونډه د قرانکریم د څو مبارکو ایتونو په تلاوت پیل او ورپسې
د میدان وردګو ولایت د چاپېریال ساتنې رئیس مولوي الله محمد ذاکر د غونډې ګډونوالو
ته د ښه راغلاست تر څنگ د طبیعیت نړیوالې ورځې په مناسبت او اقلیمي بدلون په اړه
بشپړ معلومات وړاندې کړل او د موضوع پر اهميت يې رڼا واچوله، د غونډې په دویمه
برخه کې د میدان وردگو مرستیال والي مولوي سیف الرحمن حافظ د اسلام له نظره د چاپېریال
ساتنې په اهمیت خبرې وکړې او اقلیمي بدلون یې یو له سترو ننگونو یاد کړ، همدا راز
نوموړي یادونه وکړه چې څو ورځې مخکې سیلابونو د دې ولایت د ډیرو اوسیدونکو ژوند
واخیست او ډیرې زراعتي ځمکې او باغونه یې له منځه وړي دي چې دا پیښې د اقلیمي
بدلون له سترو ننگونو څخه شمیرل کیږې چې په اړه یې باید جدي کار وشي، دغه راز د
اجنډا سره سم
د(REHA) مؤسسې
تخنیکي مرستیال انجینر عزت الله صدیقي په نړيواله کچه د اقلیمي بدلون پر عواملو،
او بشر ته ترې پیښیدونکو ګواښونو او په یاده برخه کې د حکومتونو مؤسساتو، چاپیریال
ساتنې ادارې او د هیواد د وګړو په مسؤلیتونو
اړوند معلوماتي پریزنتیشن وړاندې کړ او په یاده برخه کې یې د منسجمو تګلارو د رامنځته
کولو وړاندیز وکړ همداراز نوموړي د اقلیمي بدلون د اغیزو په اړوند د ازاد بحث په
شکل د جلسې د ټولو گډنوالو نظرونه واخیستل او په حل لارو یې رڼا واچوله، دغه راز
نوموړي ټنگار وکړ چې ټولې ادارې باید د چاپېریال ساتنې ریاست سره کلکه همغږي ولري
او په گډه د اقلیمي بدلون د اغیزو د راکمولو لپاره کار وکړي، د غونډې په پای کې د یادې
موسسې مشر محمد یوسف حمیدیان پر گډونوالو غږ وکړ چې د چاپېریال ساتنې او اقلیمي
بدلون په اړه خلکو ته عامه پوهاوی ورکړي.
چاپېریال ساتنه زموږ ټولو ملي او ایماني مسوولیت دی؛ راځئ چې
خپل چاپېریال پاک وساتو!