وروستی
د بلخ علماو شورا له منشي سره ناسته او د فجر له راډيو څخه ليدنه
د چاپېريال ساتنې ملي ادارې عموي رئيس شاه زمان میوندي د هغې مېلمستیا په ترڅ کې چې د شمال زون د علماو شورا منشي استاد توانا لخوا برابره شوې وه د ځينو ديني علماو، ځوانانو او مخورو سره وليدل. استاد عبدالروف توانا بلخ ولايت ته د ښاغلي ميوندي د راتګ څخه په مننې سره وويل چې د بلخ ولایت د علماو شورا، د اسلامي اخوت شورا او د فجر پپروزي راډيوتلويزون تل د چاپېريال ساتنې د فعاليتونو ملاتړ کوي او په راتلونکو کې به هم په دې برخه کې فعاله ونډه ولري. وروسته له هغې د چاپېریال ساتنې ملي ادارې عمومي رئيس د فجر راډيو له دفتر څخه ليدنه وکړه او چاپېريال ساتنې اړوند پيغامونو په وړاندې کولو سره يې د بلخ ښاريان د چاپېریال د ساتنې په برخه کې فعالې ونډې اخيستنې ته راوبلل. ياده ناسته د ديني علماو له لوري د يو جلد مثنوي معنوي په ډالۍ کولو او په دې نيت چې ديني علما به يوه غښتلې ډله د ګډو چاپېریالي فعاليتونو لپاره سره یوځای کړي پای ته ورسېده.