وروستی
ټول فعالیتونه او اصناف د چاپېریالي اصولو پر تطبیق مکلف دي
۱۴۴۴کال
د مُحرم ۲۷مه - ننګرهار-کونړ-نورستان
د ننګرهار ولایت د چاپېریال ساتنې ریاست نظارتي ټیمونو تېره
ورځ د جلال آباد ښار په ۵مه
ناحیه کې د يخ جوړولو له ۴تولیدي
فابریکو او د مانچو جوړولو له یوې فابريکې؛ همداراز په ۲مې، ۵مې،۶ ناحیو او کوټ ولسوالۍ په
مربوطاتو کې د تیلو او ګازو له ۵
پمپ سټېشنونو څخه نظارت وکړ.
د نظارت په لړ کې د یادو پمپ سټيشنونو مالکانو ته لارښوونه
وشوه چې په خپلو فعاليتونو کې چاپېریالي شرايط او مقررات تطبیق او رعايت کړي
او همدا راز د هواککړتيا د مخنيوي مقررې د ۱۴
مادې د حکم پر بنسټ لس سلنه ځمکه د شنې ساحې لپاره ځانګړې او ډول ډول زینتي ونې او
بوټي پکې وکري.
د کونړ ولایت د چاپېريال ساتنې رئيس ډاکتر محمد رحمن صابر
په مشرۍ د چاپېریالي چارو نظارتي ټیم د اسعد آباد ښار او نواباد بازار د يو شمېر
اصنافو له فعالیتونو څخه نظارت وکړ او مالکینو ته یې د چاپېریالي اصولو د تطبیق
سپارښتنه وکړه.
د نورستان ولایت د چاپېریال ساتنې ریاست د نظارت او کنټرول ټیم
د مرکز پارون له یو شمېر اصنافو له فعالیتونو څارنه وکړه، چاپېریالي اصول او
مقررات یې ورته بیان کړل او د چاپېریال ساتنې په هکله یې ورته لازمې سپارښتنې وکړې.
چاپېریال ساتنه زموږ ټولو ملي
او دیني مسوولیت دی؛ راځئ چې خپل چاپېریال له هر ډول ککړتیاوو څخه پاک وساتو!