وروستی
په افغانستان کې د ملګرو ملتونو د سیاسي استازولۍ مرستیال د چاپېریال ساتنې ملي ادارې له عمومي رئیس سره وکتل
۱۴۴۵کال
د مُحرم ۲۷مه/
کابل
د چاپېریال ساتنې ملي ادارې عمومي رئیس حافظ عزیز الرحمن نن
د ۱۴۰۲کال
د زمري په ۲۳مه
نېټه په خپل کاري دفتر کې د ملګرو ملتونو د سیاسي استازولۍ (یوناما) له مرستیال
مارکس پوتزل سره لیدنه وکړه.
په پیل
کې د دې ادارې عمومې رئیس د یوناما مرستیال او ورسره پلاوي ته ښه راغلاست ووایه، د
یوناما د فعالیتونو او د مختلفو چاپېریالي موضوعاتو په ځانګړي ډول د اقلیمي بدلون
په تړاو یې هر اړخیزې خبرې وکړې.
د چاپېریال ساتنې ملي ادارې عمومي رئیس وویل: نړۍوال باید
چاپېریالي موضوعات سیاسي نه کړي ځکه دا بشري موضوعات دي چې ګټه او زیان یې یوازې
ولسونو ته رسیږي؛ افغانستان اوسمهال په جدي توګه له اقلیمي بدلون څخه اغېزمن هېواد
دی په داسې حال کې چې د ګلخانهيي ګازونو په خپرولو کې ډیره کمه ونډه لري.
نوموړي ټینګار وکړ چې ملګري ملتونه د افغانستان د اقلیمي
بدلون پروژې چې د ۸۲۶
میلیونو ډالرو په ارزښت دي باید له تعلیق څخه و باسي؛ په نړۍوالو چاپېریالي غونډو
کې د دې ادارې مسوولینو ته د ګډون زمینه برابره شي او همدا راز د COP په راتلونکې غونډه کې افغانستان ته هم د ګډون بلنه ورکړل شي.
ښاغلي حافظ وویل اوسمهال په افغانستان کې بشپړ امنیت تامین دی او د کار کولو لپاره ښه فرصت رامنځته شوی؛ نو له نړۍوالو مو هیله ده چې له افغانستان سره خپلو مرستو ته دوام ورکړي.
په افغانستان کې د ملګرو ملتونو د سیاسي استازولۍ مرستیال
مارکس پوتزل د دې ادارې له عمومي رئیس څخه مننه وکړه او زیاته یې کړه چې یوناما هڅه
کوي له افغانستان سره د نړۍوالو د همکارۍ زمینه مساعده کړي او ډاډ یې ورکړ چې کډ
کار کولو ته ژمن یو.
نوموړي وویل: موږ تلاش کوو چې نړۍوال له افغانستان سره ښه
تعامل وکړي، ده زیاته کړه: موږ به د نیمګړو چاپېریالي پروژ د بیا پیل او اقلیمي
بدلون سره د مبارزې په برخه کې خپلې هڅې جاري وساتو؛ ځکه له اقلیمي بدلون سره
مبارزه د ټولې نړۍ ګډ کار دی.
ښاغلي پوتزل دغه راز ډاډ څرګند کړ چې هڅه به وکړي په نړۍوالو
چاپېریالي غونډو کې د افغانستان د چاپیریال ساتنې ملي ادارې د مسوولینو برخه اخیستنه
یقیني کړي ترڅو د افغانستان د خلکو حقوق تامین شي.