وروستی
د حيرتان د نفتي تاسيساتو او د آمو سيند د ويجاړو شويو سيمو څخه ليدنه
د چاپېريال ساتنې ملي ادارې عمومي رئيس شاه زمان ميوندي لرغوني بلخ ولایت د خپل درې ورځيني سفر په ترڅ کې د حيرتان بندر له نفتي تاسيساتو څخه ليدنه وکړه. په دې سفر کې چې نوموړي سره د يادې ادارې يوشمېر روئساو او مشاورينو ملتيا کوله د مهمو چاپېريالي موضوعاتو په موخه د حيرتان بندر د نفتي تصفیه خونو څخه ليدنه وکړه او د جدي نظارت څخه وروسته يې د پانګه والو قانوني فعاليتونه وستايل او د لا ډېرو اصلاحاتو لپاره يې ورته لازمې لارښوونې وکړې. همدارنګه ښاغلي ميوندي د ښارګوتي له رئيس او د حيرتان بندر نورو مسولينو سره يوځای د آمو سيند له هغو ويجاړ شويو سيمو څخه ليدنه وکړه چې هرکال د سېلابونو پر مهال د ځنګلونو، بوټو او خاورې ډېره برخه ويجاړوي او پرېکړه وشوه چې د شته ستونزو د حل په موخه به هر اړخيز ګامونه پورته شي. همدارنګه د چاپېريال ساتنې ملي ادارې عمومي رئيس د مزارشريف ښار اړوند د ذغالو د ډبرو له مارکېټونو ليدنه وکړه، د دې فابريکو له بوختو کارکوونکو سره يې خبرې وکړې او وروسته د دوی د نيوکو له اورېدو څخه يې د ذغالو د تخليې او بارونې او نورو مهمو موضوعاتو په برخه کې لازمې لارښوونې وکړې. قابل ذکر است که رئیس عمومی اداره ملی حافظت محیط زیست در جریان سفر اش به ولایت بلخ، چندین پروژه محیط زیستی دیگر را بازدید و بررسی کردند. د يادونې وړ ده چې د چاپېريال ساتنې ملي ادارې عمومي رئيس بلخ ولايت ته د خپل د سفر په ترڅ کې څو نورې د چاپېريال ساتنې پروژو څخه ليدنه وکړه.