د کنټرول او تفتیش ریاست ته نوی رئیس معرفي شو

۱۴۴۵کال د ربیع الاول ۱۶مه/ کابل
د چاپېریال ساتنې ملي ادارې د بند امیر غونډو په تالار کې نن د ۱۴۴۵کال د ربیع الاول په ۱۶مه نېټه د دې ادارې د کنټرول او تفتیش نوي رئیس معرفي غونډه ترسره شوه.

په دې مراسمو کې د چاپېریال ساتنې ملي ادارې عمومي رئیس حافظ عزیزالرحمن، د مالي او اداري چارو معین مولوي عبدالسلام حقاني، د دې ادارې رئیسانو، آمرینو او کارکوونکو ګډون کړی وو.

غونډه د قران عظیم الشان مبارکو آیتونو په تلاوت پیل شوه ورپسې د چاپېریال ساتنې ملي ادارې عمومي رئیس حافظ عزیزالرحمن وینا وکړه او زیاته یې کړه چې کار باید اهل کار ته وسپارل سي. ده وویل: وظیفه که څه هم اکرام، اعزاز او امتیاز دی د دې تر څنګ ستر مسوولیت دی که څوک خپله دنده او مسوولیت په سمه توګه ترسره نه کړي او غفلت وکړي د الله تعالی او ملت پر وړاندې به مسؤل وي.

د دې ادارې عمومي رئیس ټولو مسوولینو ته سپارښتنه وکړه چي په ګډه د یوه مشترک ټیم په توګه کار وکړي.
ورپسې د کنټرول او تفتیش ریاست پخواني سرپرست انجنیر طوفان جبران نوي رئیس ته د ښه راغلاست تر څنګ د یاد ریاست فعالیتونو او مسوولیتونو په هکله لنډ معلومات ورکړل او ژمنه یې وکړه چې له نوي رئیس سره به په پوره صداقت او اخلاص کار کوي.

د دې ادارې د کنټرول او تفیش نوي رئیس احمد فیصل د اسلامي امارت او د دې ادارې مشرتابه له اعتماد څخه مننه وکړه او ژمنه یې وکړه چې د الله تعالی د اوامرو مطابق به ټول په ګډه په پوره اخلاص سره د خپلو هېوادوالو خدمت کوو.

د یادونې وړ ده چې ښاغلی احمد فیصل د دې ادارې په وړاندیز او د ریاست الوزرا عالي مقام د ۱۱۸۱ ګڼه حکم په اساس د دې ادارې د کنټرول او تفتیش ریاست د رئیس په توګه ټاکل شوی.

Oct 1, 2023