وروستی
په دایکنډي ولایت کې ۴تنه کب نیوونکي د قانون منګولو ته وسپارل شول
۱۴۴۵کال
د جمادي الاول ۲مه/دایکنډي
د وحشي ژوو، مارغانو او کبانو د ښکار د مخنیوي په موخه
د دایکنډي ولایت د چاپېریال ساتنې ریاست
مفتشینو د یاد ولایت د لومړۍ امنیتي حوزې مسوولینو په همکارۍ د سوختوک برېښنا بند
په ډنډ کې څلور تنه کب نیوونکي د ښکار د وسایلو سره یوځای ونیول شول.
یادو کب نیوونکو کابو ۱۷۰۰ کبان نیولي ول چې ۱۰۰۰دانې یې بېرته په اوبو خوشې
شول او ۷۰۰
چې مړه شوي وو، ترې ضبط شول او ښکاریان د قانون منګولو ته وسپارل شول.
په دایکنډي ولایت کې د وروستۍ وچکالۍ له امله د وحشي ژوو
سربېره د کبانو نسل د ورکېدا له ګواښ سره مخ دی چې له همدې امله یې په مطلق ډول ښکار
بند دی.
د یادولو وړ ده چې د ا.ا.ا د ریاست الوزرا عالي مقام حکم په
اساس په ټول هېواد کې د وحشي ژوو، مارغانو او کبانو ښکار بند دی او هر څوک چې له دې
حکم څخه سرغړونه کوي قانوني چلند ورسره کیږي.
