وروستی
د ځنګلونو او وحشي ژوو د ساتنې او ښکار د مخنیوي په هکله سلګونو مجاهدینو ته روزنیز پروګرام جوړ شو
۱۴۴۵کال
د جمادي الاول ۱۳نېټه/
میدان وردګ
د میدان وردگو ولایت د چاپېریال ساتنې ریاست د امنیه
قومندانۍ په همغږۍ د ځنګلونو، وحشي ژوو او طبیعي سرچینو د ساتنې او همدا راز د
مارغانو او ژوو د ښکار او قاچاق د مخنیوي او چاپېریال قانون په تړاو د یاد ولایت د
ښوونې او روزنې د غونډو په تالار کې د معسکر مجاهدینو ته د یو ورځني روزنیز ورکشاپ
په لړ کې عامه پوهاوی ورکړل شو.
یاد ورکشاپ د قرانکریم د څو مبارکو ایتونو په تلاوت پیل شو
ورپسې د میدان وردګو ولایت د چاپېریال ساتنې رئیس مولوي الله محمد ذاکر د چاپیریال
ساتنې او طبیعي منابعو د اهمیت په اړه وینا وکړه او طبیعي منابع یې د هیواد ملي
شتمني یاده کړه چې باید ساتنه او پالنه یې وشي. نوموړي یادونه وکړه چې امنیتي
ساتونکي مکلف دي چې د هیواد په هرځای کې د وحشي ژوو د ښکار او قاچاق مخنیوی وکړي
او د طبیعي منابعو ساتنه کې خپل مسولیت ادا کړي. نوموړي وویل: چاپیریال ساتنه د ټولو
وگړو دیني، ایماني او وجداني مسولیت دی.
د ورکشاپ په لړ کې د وحشي ژوو او مارغانو د ښکار او قاچاق د
مخنیوي په هکله د ا.ا.ا. د ریاست الوزرا
عالي مقام (۱۴۴) مه
گڼه هدایت په هکله امنیتي ساتونکو ته معلومات ورکړل شول او سپارښتنه ورته وشوه چې
په ټول هېواد د وحشي ژوو او مارغانو د ښکار او قاچاق مخه باید ونیول شي.
د میدان وردګو ولایت د چاپېریال ساتنې ریاست د عامه پوهاوي ټیم
د ورکشاپ په لړ کې ګډونوالو ته د مختلفو چاپېریالي مسایلو په هکله هر اړخیز
معلوماتي پرزنټېشنونه وړاندې کړل.