وروستی
د چاپېریال ساتنې ملي ادارې مسلکي معین د ملګرو ملتونو د خوړو او کرنې سازمان (FAO) له رئیس سره وکتل
۱۴۴۵کال
د جمادي الاول ۲۲مه/
کابل
د چاپېریال ساتنې ملي ادارې پالیسي او مسلکي معین ډاکټر زین
العابدین عابد په خپل کاري دفتر کې په افغانستان کې د ملګرو ملتونو د خوړو او کرنې
سازمان له رئیس ریچارډ او مل پلاوي سره له اقلیمي بدلون سره د مبارزې او سازښت په
برخه کې د نړیوالو چاپېریالي اسانیاوو اتم پړاو کې د افغانستان سهمیې (STAR) ته د لاسرسي او همدا راز د (GEF-6
& GEF-7) پروژو د تطبیق په هکله بحث او خبرې وکړې.
په دې لیدنه کې د اقلیمي بدلون له ناوړه اغیزو څخه د
افغانانو د زیامن کیدو، موجوده مالي امکاناتو ته د لاسرسي، شته فرصتونو او ګډي همغږۍ
او همکارۍ په تړاو هر اړخیزې خبرې و شوې.
د چاپېریال ساتنې ملي ادارې پالیسي او مسلکي معین وویل: چاپېریالي
موضوعات باید سیاسي نه شي، ځګه چې زیان یې یوازې ولسونو ته رسیږي. ده وویل: موږ په
داسې موضوع خبرې کوو چې د نړۍ ډیر هېوادونه یې کړولي او له نړیوالو موسسو څخه مو هیله
دا ده چي د اقلیمي بدلون په برخه کې له افغانستان سره خپلو مرستو او همکاریو ته
دوام ورکړي.
ښاغلي عابد وویل: افغانستان د نړۍوالو مالي میکانیزمونو څخه
د پروژو د ترلاسه کولو په برخه کې له بندیزونو سره مخ شوی او یوازې د اقلیم زرغون
صندوق GEF څخه د ۳۰دیرش میلیونو ډالرو په ارزښت
تر کار لاندې پروژې تعلیق شوې چې په دې سره د اقلیمي بدلون په برخه کې افغانستان
له ډیرو ننګونو سره مخ شوی دي.
د چاپېریال ساتنې ملي ادارې مسلکي معین د FAO له رئیس څخه وغوښتل چې د نړیوالو چاپېریالي اسانیاوو اتم پړاو (STAR) کې د افغانستان سهمیه کې لس میلیونه ډالر موجود دي چې د لومړیتوبونو
په پام کې نیولو سره د دې ادارې د تخنیکي ټیم سره په ګډه باید پروژې ډیزاین او مودجوده
پیسې ترلاسه کړي.
د ملګرو ملتونو د خوړو او کرنې سازمان (FAO) رئیس ښاغلي ریچارډ د خپلو فعالیتونو په تړاو هر اړخیزې خبرې وکړې
او ژمنه یې وکړه چې د چاپېریال ساتنې ملي ادارې سره به خپلې اړیکې پیاوړې کوي او ګډ
کار کولو ته به دوام ورکوي.
نوموړي وویل: موږ په دوامداره توګه هڅې کړې دي چې د اقلیمي
بدلون په برخه کې د افغانستان ستونزې تر نړیوالو ورسوو، ځکه چې افغانستان اقلیمي
بدلون سخت ځپلی او ټول افغانان یې متضرر کړي دي.
ښاغلي ریچارډ وویل چې د (STAR) څخه به لس میلیونه ترلاسه کېدونکي ډالر د اوبو لګولو، څړځایونو د
ساتنې او د ځنګلونو د بیا رغونې په برخه کې مصرف کړي.
دواړو خواو په ګډ کار او د همغږۍ پر پیاوړتیا هوکړه وکړه او
د پروژو د پیل او تخنیکي همکارۍ لپاره ګډ کاري ټیم وټاکل شو چې د افغانسان د لومړيتوبونو
په پام کې نیولو سره به پروژې ډیزاین او عملي کړي.