سلګونو تنو ته د مختلفو چاپېریالي مسایلو په هکله عامه پوهاوی ورکړل شو

۱۴۴۵کال د جمادي الاول ۲۶/ کونړ-لغمان
د کونړ ولایت د چاپېریال ساتنې ریاست مسوولینو په ټولنه کې د چاپېریال ساتنې فرهنګ ترویج په موخه خاص کونړ ولسوالۍ کې د کبیر ستوري عالي لیسې (اتم،نهم، لسم او یولسم) ټولګیو شاوخوا (500) تنو زده کونکو ته د هواککړتیا د زیانونو، راکمولو او مخنیوي، د ونو، ځنګلونو، وحشي ژوو او طبیعي ښکلاوو د ساتنې او ښکار د مخنیوي په هکله عامه پوهاوی ورکړل شو.

همدا راز د لغمان ولایت د چاپېریال ساتنې ریاست مسوولینو د عامې روغتیا ریاست د CLTS برنامې په لړ کې د قرغه یي ولسوالۍ د کور زیړاني سیمې د کلیوالي شورا غړو او عامو خلکو ته د ونو، ځنګلونو او وحشي ژوو د ساتنې او هواککړتیا د زیانونو او مخنیوي په هکله عامه پوهاوی ورکړ.

چاپېریال ساتنه د ټولو وګړو فردي مسوولیت دی؛ موږ ته ښایي چې چاپېریال ساتنه کې خپل ملي او اسلامي مکلفیتونه اداء کړو؛ تر څو د سالم او سمسور چاپېریال خاوندان شو.

Dec 10, 2023