وروستی
په مرکز او ولایتونو کې د هوا ککړوونکو سرچینو څخه په جدي توګه نظارت کیږي
۱۴۴۵کال
د جمادي الاول ۲۸/ ننګرهار-کونړ
د هواککړتیا راکمولو، مخنیوي او چاپېریالي اصولو د تطبیق په
موخه د ننګرهار ولایت د چاپيریال ساتنې ریاست نظارتي ټیم د جلال اباد ښار په ۹مه ناحیه کې د فواد حضرتي په
نوم د چرګانو د خوراکي توکو د توليد فابریکې له فعالیت څخه نظارت وکړ.
همدا راز د کونړ ولایت د چاپېریال ساتنې رئیس ډاکټر محمد
الرحمن صابر په مشرۍ نظارتي ټیم په اسعد آباد ښار کې د ۱۹ قصابیو له فعالیتونو څخه څارنه
وکړه.
د نظارت په لړ کې د دې ادارې مفتشینو د فابریکې او قصابیو مسوولینو ته موجوده نیمګړتیاوې په نښه کړې او د اصلاح په موخه یې ورته د چاپېریال قانون او مقرراتو په هکله لازم معلومات ورکړل او سپارښتنه یې ورته وکړه چې په خپلو ورځنیو فعالیتونو کې چاپېریالي اصول مراعت کړي؛ که هرچا سرغړونه وکړه له اصولي چلند سره به مخ شي.
چاپېریال ساتنه د ټولو هېوادوالو مکلفیت دی، راځئ چې خپل
چاپېریال پاک وساتو!