وروستی
د ځنګلونو، غرنیو ونو او بوټو وهل او لېږد ممنوع دي
۱۴۴۵کال د جمادي الاول ۳۰/ زابل-نیمروز
د چاپېریال ساتنې ملي ادارې د ځنګلونو د ساتنې په موخه په
ټول هېواد د ځنګلي ونو او بوټو وهل او د لرګیو انتقال ممنوع کړی. په همدې موخه په
زابل او نیمروز ولایتونو کې د چاپېریال ساتنې ریاستونو مسوولینو د سیمه ییزو
مجاهدینو په همکارۍ ځینې اشخاص چې په ناقانونه توګه یې غرنۍ ونې وهلي او لرګي یې د
خرڅلاو لپاره بازارونو ته راوړي وو، د لرګیو سره یو ځای ونیول شول.
د چاپېریالي چارو مفتشینو نیول شوو کسانو ته د چاپېریال قانون او مقرراتو په هکله
معلومات ورکړل او لیکلې ژمنې یې ترې واخیستلې چې بیاځلي به ځنګلونه، غرنۍ ونې او
بوټي نه وهي؛ که بیا ونیول شول قانوني چلند به ورسره وشي.
ځنګلونه د هېواد ملي شتمني ده، ساتنه او پالنه یې د ټولو هېوادوالو ایماني او
اخلاقي مسوولیت دی!