وروستی
د شنو ساحو د پراختیا په موخه د بیرو د مصنوعي ځنګل پروژې څخه نظارت ترسره شو
۱۴۴۵کال
د جمادي الثاني ۵مه/
لغمان
د لغمان ولایت د چاپیریال ساتنې رئیس حاجي احمد شاه ابراهیم
په مشرۍ نظارتي ټیم د قرغیو ولسوالۍ د ګل غونډۍ سیمه کې د بیرو د مصنوعي ځنګل جوړولو
پروژې څخه نظارت وکړ.
ددې پروژې په جریان کې تراوسه (۱۴۰۰۰۰) یولک څلویښت زره د بیرو نیالګي
کینول شوي، د پروژې له مسؤلینو سره د نیالګیو د اوبو کولو، ساتنې او پالنې په موخه
خبرې وشوې او د لا ښې ساتنې لپاره ورته لازمې سپارښتنې وشوې.
د مارغانو د ښکار د مخنیوي په موخه د درونټې د بریښنا بند
کاسې څخه چې د الوتونکو(ګډوالو هیلیو) د ښکار یوه مهمه ساحه ده لیدنه وشوه د اړونده
مسؤلینو سره یې په یاده ساحه کې د ښکار د مخنیوي لپاره لازم هدایات شریک شول.
همداراز د سطحي او ځمکې لاندې اوبو د ککړتیا د مخنیوي کمپاین
په لړ کې د مهترلام ښار په زرګرانو کلي کې غیر معیاري جذبي سپتیک څاهګانې او هغه
پاییپونه چې ویالو ته ایستل شوي ول وران شول.