وروستی
د هواککړتیا د مخنیوي په موخه د نفرایټ ډبرو د استخراج له معدن او یو شمېر فابریکو څخه نظارت وشو
۱۴۴۵کال د جمادي الثاني ۱۱مه/ ننګرهار
د ننګرهار ولایت د چاپېریال ساتنې ریاست مفتشینو د ګوشتى
ولسوالۍ د نر تنګي په ساحه کې د ابوبکر صدیقي په نوم د نفرایټ ډبرو د استخراج معدن
د چاپيریالي اغېزو د ارزونې او چاپېریالي اصولو د تطبیق په موخه د دې معدن د فعالیت
څارنه وکړه.
همدا راز د جلال اباد ښار په نهمه ناحیه کې د تعمیراتي رنګ
جوړولو او خوراکي توکو د تولید فابریکو له فعالیتونو څخه نظارت وشو.
د چاپېریالي چارو مفتشینو د ذکر شوو فعالیتونو مسوولینو ته
د چاپېریال قانون او مقرراتو په هلکه لازم معلومات ورکړل او سپارښتنه یې ورته وکړه
چې د هواککړتیا د مخنیوي لپاره لازم تدابیر ونیسي او خپل فعالیتونه د چاپېریالي
اصولو مطابق عیار او ترسره کړي.
د یادو فعالیتونو مسئولینو د چاپېریال ساتنې، د هواککړتیا د
مخنیوی او چاپېریالی اصولو د تطبیق ژمنه وکړه او په دې برخه کې یې د همکارۍ ډاډ
ورکړ.
چاپېریال ساتنه د ټولو هېوادوالو دیني او ملي مسوولیت دی؛
راځئ چې خپل چاپېریال پاک وساتو!
