وروستی
د ښکار د مخنیوي او مختلفو چاپېریالي مسایلو په هکله سلګونو پولیسو ته عامه پوهاوی ورکړل شو
۱۴۴۵کال
د جمادی الثاني۱۸مه/
میدان وردگ
د میدان وردگو ولایت د چاپیریال ساتنې ریاست د توپ دښتې د ښوونیزاو
روزنیز مرکز په همکارۍ تېره ورځ د یاد مرکز د غونډو په تالار کې د مختلفو ولایتونو
(۶۲۲) تنو
پولیسو ته د یو ورځني روزنیز ورکشاپ په ترڅ کې د ښکارد مخنیوي، طبیعي منابعو د اهمیت
او مختلفو چاپیریالي مسایلو په هکله معلوماتي پرزنټېشنونه وړاندې شول.
د ورکشاپ په پیل کې د میدان ودرګو ولایت د چاپېریال ساتنې
رئیس مولوي الله محمد ذاکر د چاپیریال ساتنې او طبیعي منابعو د اهمیت په اړه وینا
وکړه اوطبیعي منابع یې د هیواد ملي شتمني یاده کړه چې باید ساتنه یې وشي چې په دې
برخه کې د امنیتي مسوولینو همکاري اړینه ده، ده وویل: امنیتي مسوولین مکلف دي چې د
هیواد په هر ځای ګوټ کې د وحشي ژوو د ښکار او قاچاق مخنیوی وکړي او د طبیعي سرچینو
د ساتنې په برخه کې خپل مسولیت ادا کړي.
|ښاغلي ذاکر چاپیریال ساتنه د ټولو هېوادوالو دیني، ایماني
او وجداني مسولیت وباله او د ا.ا.ا. د ریاست الوزرا عالي مقام د (۱۴۴) مه گڼه هدایت چې د ښکار د مخنیوي
په اړه صادر شوی، له ګډونوالو سره شریک او په دې تړاو یې معلومات ورکړل.
د غونډې په لړ کې د عامه پوهاوي ټیم لخوا پولیسو ته طبیعي
سرچینو د اهمیت، وحشي ژوو اومرغانو د ښکار د مخنیوي او مهمو چاپیریالي مسایلو په
هکله معلوماتي پرزنټېشنونه ورکړل شول.
د چاپېریال ساتنې ملي اداره له ټولو امنیتي مسوولینو غواړي
چې د وحشي ژوو او ځنګلونو په ساتنه او د ښکار په مخنیوي کې له دې ادارې
سره همکاري وکړي.