وروستی
پکتیا کې د عمومي حشر په ترڅ کې د نیالګیو کېنولو پروګرام پیل شو
۱۴۴۵کال
د رمضان ۱۷/ پکتیا
د پکتیا ولایت د چاپیریال ساتنې ریاست لخوا پکتیا پوهنتون کې
د نیالگیو او اوبو د اهمیت په اړه لوی سیمنیار او د وچکالۍ ختمولو تر شعار لاندې د
نیالگیو کېنولو عمومي حشر ترسره شو.
په دې مراسمو کې د پکتیا مرستیال والي شیخ انعام الله صلاح
الدین، د پکتیا ولایت د چاپیریال ساتنې رئیس مولوي عبدالهادي هدایت، پکتیا پوهنتون
رییس مولوي عبدالحکیم حمدي، گردیز ښاروال مولوي سید نظیم مزمل، د کرنې،اوبو لګولو
او مالدارۍ رئیس مولوي عبدالرووف سعید، د پوهنتون استادانو، قومي مشرانو او محصلینو
ګډون کړی وو.
ویناوالو د ونو او بوټو د اهمیت او ساتنې په هکله هر اړخیزې
خبرې وکړې او له هېوادوالو یې وغوښتل چې هر هېودادوال باید یو نیالگی د ځان او یو
د افغانستان لپاره کېنوي او همدا راز د نیالګو او ونو ساتنه او پالنه دې وکړي.
د مراسمو په پای کې د وچکالۍ ختمولو تر شعار لاندې د نیالګیو
کېنولو عمومي حشر په ترڅ کې د پوهنتون په انګړ کې مثمر او غیر مثمر نیالګي کېښودل
شول، د یادونې وړ ده چې په یاد ولایت کې د نیالګیو کېنولو لړۍ دوام ولري او د پکتیا
ولایت په مختلفو برخو کې به په زرګونه نیالګي کېنول شي.