وروستی
په اسلامي نظام کې د خدمت د ارزښت او مسوولیت په هکله اصلاحي وینا وړاندې شوه
۱۴۴۵کال د رمضان ۲۵نېټه/ کابل
د چاپېریال ساتنې ملي ادارې د دعوت او ارشاد رياست له لوري
د اصلاحي ويناوو په لړ کې نن پنج شنبه د روژې مبارکې میاشتې په ۲۵مه نېټه د دې ادارې د کول
حشمت خان غونډو په تالار کې په اسلامي نظام کې د خدمت د اهمیت او مسوولیت
په هکله
اصلاحي وینا وړاندې شوه چې پکې د دې ادارې د مالي او اداري چارو مرستیال مولوي
عبدالسلام حقاني، کارکوونکو او مسوولینو ګډون کړی وو.
غونډه د قران عظیم الشان مبارکو آیتونو په تلاوت پیل شوه ورپسې د امر بالمعروف نهی عن المنکر او شکایتونو اورېدلو وزارت مسلکي معین شیخ القران والحدیث فقیر محمد محمدي په اسلامي نظام
کې د دندې ترسره کولو د مسوولیتونو په هکله هر اړخیزه اصلاحي وینا وکړه او زیاته یې کړه: په افغانستان کې اوسنی اسلامي نظامي د سترو قربانیو په پایله کې راغلی او اوس زموږ ټولو مسوولیت دی چې ساتنه یې وکړو.
ښاغلي محمدي وویل: په اسلامي نظام کې په ښه نیت سره خدمت
کول عبادت دی.
ده وویل: موږ باید په پوره اخلاص او یوازې د الله تعالی د
رضا حاصلولو لپاره د خپلو هېوادوالو خدمت وکړو، په دنده کې باید د مسوولیت احساس
وکړو او له بې مسوولیتۍ او وظیفوي غفلت څخه باید ډډه وکړو.
