وروستی
د تېرې یوې اونۍ په ترڅ کې د ۲۶فابریکو او تولیدي شرکتونو له فعالیتونو څارنه شوې
۱۴۴۵کال
د شوال۲۵مه/
کابل
د چاپېریال ساتنې ملي ادارې مفتشینو د تېرې یوې اونۍ په ترڅ
کې د کابل څرخي پله او جمعه محمدي صنعتي پارکونو او همدا راز ۱۷ ناحیې اړوند سیمو کې د چاپېریالي
اصولو د تطبیق په موخه د درملو او اکسیجن ۴ تولیدي فابریکو، د پلاستیکي توکو ۸تولیدي شرکتونو، ۲صنعتي مطبعو، د لبنیاتو،
نوشابو، جوس او معدني اوبو ۵تولیدي
شرکتونو، د ساختماني توکو۲تولیدي
شرکتونو او همدا راز وینځونکو توکو تولیدي شرکت له فعالیتونو څخه نظارت کړی.
د دې ادارې مفتشینو د تولیدي شرکتونو او فابریکو مسوولینو
ته د چاپېریال قانون، مقرراتو او طرزالعملونو په هکله معلومات او پوهاوی ورکړی او
سپارښتنه یې ورته کړې چې خپل فعالیتونه د چاپېریالي اصولو مطابق ترسره کړي.
د څارنې په ترڅ کې د فابریکو او تولیدي شرکتونو مسوولینو ته
موجوده نېمګړتیاوې او چاپېریالي ستونزې په ګوته شوې او ژمنې ترې اخیستل شوي چې
موجوده ستونزې به حل کوي.
د چاپېریال ساتنې ملي اداره د هواککړتیا راکمولو او مخنیوي
په موخه د هواککړوونکو سرچینو ټولو فعالیتونو مسوولینو ته سپارښته کوي چې خپل فعالیتونه
د چاپېریالي اصولو مطابق ترسره کړي.
هغه فابریکې او تولیدي شرکتونه چې د دود د تصفیې فلټرونه یې
غیر فعال، ویجاړ او یا هم د اوبو، هوا او خاورې د ککړتیا لامل وګرځي، له قانوني
چلند سره به مخ شي.
د یادونې وړ ده چې د چاپېریال ساتنې ملي ادارې نظارتي ټیمونه
په مرکز او ولایتونو کې د هواککړوونکو سرچینو څخه په دوامداره او جدي توګه څارنه
کوي او سرغړوونکي د قانون منګولو ته سپاري.