وروستی
زده کوونکو ته دي د چاپېریال ساتني روحیه ور کړل شي
۱۴۴۵کال د شوال ۲۶مه/ ننګرهار
د عامه پوهاوي لړۍ پر دوام د ننګرهار ولایت د چاپېریال ساتنې
ریاست مسوولینو په بهسودو ولسوالۍ کې د وزیر
محمد ګل خان په عالي لیسه کې سلګونو تنو زده کوونکو او ښوونکو ته د پاک چاپېریال د
اهمیت؛ اوبو، هوا او خاورې ککړتیا د اضرارو او مخنیوي؛ ونو، شنو بوټو او تفریحي
پارکونو د ساتنې په هکله عامه پوهاوی ورکړ.
ښوونکي او زده کوونکي چاپېریال ساتنې ته وهڅول شول او سپارښتنه
ورته وشوه چې په دوامداره توګه چاپېریال ساتنه کې رغنده برخه واخلي.
چاپېریال ساتنه د ټولنې د هر وګري فردي مسؤلیت دی؛ نو موږ
ته پکار ده چې د ښېرازه او سالم چاپېریال رامنځته کولو لپاره هڅې وکړو.
