وروستی
د ایمان د ارزښت او الهي اوامرو د تطبیق په هکله اصلاحي وینا وړاندې شوه
۱۴۴۵کال د ذی القعدې ۷مه/کابل
د چاپېریال ساتنې ملي ادارې د دعوت او ارشاد رياست له لوري
د اصلاحي ويناوو په لړ کې نن پنج شنبه د ۱۴۰۳کال د غویي په ۲۷مه نېټه د دې ادارې د کول
حشمت خان غونډو په تالار کې د ایمان د ارزښت او په ورځنیو چارو کې د الهي اوامرو د
تطبیق په هکله اصلاحي وینا وړاندې شوه چې پکې د دې ادارې مسوولینو او کارکوونکو ګډون
کړی وو.
په پیل کې د قران عظیم الشان مبارک آیتونه تلاوت ورپسې د
دعوت او ارشاد عمومي رئیس مولوي شریف الله حقاني د ایمان د ارزښت او الهي اوامرو د
تطبیق په هکله وینا وکړه. ده په خپلو خبرو کې وویل: الله تعالی پر مسلمانانو ډیر زیات
احسان او انعام کړی چې پر ایمان یې مشرف کړي دي او د ایمان اهمیت به هله معلوم شي
چې کله ظاهري سترګې پټې شي او موږ د آخرت لور ته لاړ شو چې له ایمان پرته بل څه نه
پکاریږي.
ده وویل: له ایمان وروسته باید موږ خپل ژوند کې د الله تعالی
احکامات رعایت کړو چې هم مو د دنیا او هم د آخرت سعادت او کامیابي په برخه شي، اطمینان
او سکون په ایمان، نیکو اعمالو او د الله تعالی په اطاعت کې دی او څوک چې د الله
تعالی له اوامرو سرغړونه وکړي؛ نو ژوند به یې تنګ او له اطمینان او سکون څخه به بې
برخې شي.
ښاغلي حقاني وویل: په اسلامي نظام کې خدمت عبادت او لوی
سعادت دی؛ نو موږ باید په هر کار کې الله تعالی حاضر او ناظر وګڼو او په خپلو
کارونو کې الهي احکامو ته متوجه اوسو.