وروستی
د افغانستان اسلامي امارت او د ملګرو ملتونو ادارو تر منځ د همغږۍ د مشرتابه کچې ناسته تر سره شوه
۱۴۴۵کال د ذی القعدې ۷مه/کابل
د افغانستان اسلامي امارت د
بهرنیو چارو په وزارت کې د ملګرو ملتونو سازمان او په افغانستان کې میشتو نړیوالو
سازمانونو ترمنځ ګډه غونډه شوې ده.
په دې غونډه کې د چاپېریال ساتنې ملي ادارې مسلکي معین ډاکټر
زین العابدین عابد، له پنځلسو څخه زیاتو وزارتونو، امارتي ادارو او په افغانستان کې
د ملګرو ملتونو د شاوخوا شل دفترونو استازو، د نړیوالو موسسو او د خصوصي سکتور غړیو
ګډون کړی وو.
په دې ناسته کې د افغانستان د خلکو پر اړتیا، د اسلامي
امارت د لومړیتوبونو، په تېر کال کې د ملګرو ملتونو له خوا پر شویو مرستو،
راتلونکو پلانونو او د دواړو لورو تر منځ د همغږۍ پر پراخوالي هر اړخیز بحث او خبرې
وشوې.
په یاده غونډه کې د چاپېریال ساتنې ملي ادارې مسلکي او پالیسۍ
مرستیال ډاکټر زین العابدین عابد وینا وکړه او ویې ویل: افغانستان د چاپېریال ساتنې
د ۱۶
مهمو نړیوالو کنوانسیونونو او پروتوکولونو غړیتوب ترلاسه کړی او خپلو مکلفیتونو ته
ژمن دی، که څه هم افغانستان د یادو شوو کنوانسیونونو اهداف پلي کوي، خو د چاپېریال
ساتنې د ډېرو نړیوالو کنوانسیونونو سکرتریتونو، د چاپېریالي فنډونو او میکانیزمونو،
نړیوالو موسسو او د چاپېریال ساتنې د پروژو او پروګرامونو په پلي کولو کې ښکېلو
ادارو د اسلامي امارت له مشورې او معقولو دلایلو پرته چاپیریالي پروژې او پروګرامونه
لغوه او یاځنډولي دي. دا په داسې حال کې ده چې افغانستان د اقلیم د بدلون له امله
تر ټولو زیات زیانمن شوی او شپږم زیان منونکی هېواد پیژندل شوی دی. هیله لرو چې په
دې برخه د افغانستان سره همکاري وکړي.
او زموږ ٣٢ تعلیق شوي پروژې هرڅه ژر پیل کړل شي.
ښاغلي عابد ټینګار وکړ چې چاپېریالي موضوعات سیاسي نه شي او
افغانستان ته باید په ټولو نړۍوالو غونډو کې بلنه ورکړل شي.
پر همدې مهال د هیواد د بهرنیو چارو وزیر مولوي امیر خان
متقي او د ملګرو ملتونو اړونده ادارو مسوولينو د خپلو څرګندونو پرمهال اقلیمي
بدلون ستره ننګونه وبلله چي دا مهال د افغانستان خلک ورڅخه رنځ وړي او تاکید يې وکړ
چي نړیواله ټولنه باید دې برخي ته جدي او لازمه پاملرنه وکړي.