وروستی
٩٠٠ زده کوونکو ته د چاپېریال ساتني په اړه عامه پوهاوی ورکړل شو
کابل/
ذی القعدی ۱۱مه
١٤٤٥ کال
د چاپېريال ساتنې ملي ادارې د عامه پوهاوي ټيم د کابل ښار په ۲۲مه ناحيه کې د شمشاد خصوصي لېسې
ښوونکو او کابو ۹۰۰
زده کوونکو ته د چاپېریال ساتنې فرهنګ ترویج، د ونو او بوټو د ساتنې، اقلیمي بدلون
سره د مبارزې او سازښت او همدا راز د اوبو، خاورې او هوا د ککړتیا په هکله عامه
پوهاوی ورکړل شو.
د لېسې مدير نورالله قريشي د چاپېريال ساتنې ملي ادارې څخه
مننه وکړه او د عامه پوهاوي برنامې يې د خلکو او هېواد لپاره ګټورې وبللې.
نوموړي په خپلو خبرو کې له ټولو زده کوونکو وغوښتل چې
ترلاسه شوي معلومات په خپل چاپېریال کي له نورو خلکو سره شريک او ترڅنګ يې په
چاپيريال ساتنه کې فعاله ونډه واخلی.
دغه راز ددې برنامې په لړ کې په ځينو زده کوونکو يو شمېر
معلوماتي بروشرونه، کتابچې او خولۍ د لا تشويق په موخه هم و وېشل شوې.
چاپيريال
ساتنه د ټولو مسؤليت دی، راځئ چې په ګډه په چاپېريال ساتنه کې ونډه واخلو.
