وروستی
د تېرې یوې اونۍ په لړ کې د ۴۴ صنعتي فابریکو او تولیدي شرکتونو له فعالیتونو څارنه شوې
۱۴۴۵کال د ذی القعدې ۲۳مه/ کابل
د چاپېریال ساتنې ملي ادارې مفتشینو د چاپېریالي اصولو د
تطبیق په موخه د تېرې یوې اونۍ په لړ کې د کابل پلچرخي صنعتي پارکونو کې د ۴۴مختلفو صنعتي فابریکو او تولیدي
شرکتونو له فعالیتونو څخه نظارت کړی.
د دې ادارې مفتشینو د تولیدي شرکتونو او فابریکو مسوولینو
ته د چاپېریال قانون، مقرراتو او طرزالعملونو په هکله معلومات او پوهاوی ورکړل شوی
او سپارښتنه ورته شوې چې خپل فعالیتونه د چاپېریالي اصولو مطابق عیار او ترسره کړي.
د څارنې په ترڅ کې د فابریکو او تولیدي شرکتونو مسوولینو ته
موجوده چاپېریالي ستونزې په نښه شوې دي او ژمنې ترې اخیستل شوي چې موجوده ستونزې
به حل کوي.
د چاپېریال ساتنې ملي اداره د هواککړتیا راکمولو او مخنیوي
په موخه د هواککړوونکو سرچینو ټولو فعالیتونو مسوولینو ته سپارښته کوي چې خپل فعالیتونه
د چاپېریالي اصولو مطابق ترسره کړي.
هغه فابریکې او تولیدي شرکتونه چې د دود د تصفیې فلټرونه یې
غیر فعال، ویجاړ او یا هم د اوبو، هوا او خاورې د ککړتیا لامل وګرځي، له قانوني
چلند سره به مخ شي.
د چاپېریال ساتنې ملي ادارې نظارتي ټیمونه په مرکز او ولایتونو
کې د هواککړوونکو سرچینو څخه په دوامداره او جدي توګه څارنه کوي او سرغړوونکي د
قانون منګولو ته سپاري.