وروستی
چاپېریال ساتنه د ټولني د هر فرد دنده او مسوولیت دی
۱۴۴۵کال د ذی القعدې۲۸مه/ کابل
د چاپېریال ساتني ملي ادارې، ادارې او مالي مرستیال مولوي
عبدالسلام حقاني د چاپېریال د نړیوالي ورځي د لمانځني په مناسبت غالب پوهنتون کي
جوړي شوي غونډي کي برخه واخیسته او د چاپېریال د ارزښت او ساتني په اړه یې هر اړخیزه
وینا وکړه.
غونډه د قران عظیم الشان مبارکو ایتونو په تلاوت پیل شوه ورپسې د غالب پوهنتون رئیس
دوکتور مفتي محمد اسحاق نوري ګډونوالو ته ښه راغلاست ووایه او د اسلام مبارک دین
له نظره یې د چاپېریال ساتنې پر ارزښت خبرې وکړې.
د چاپیریال ساتني ملي ادارې مرستیال مولوي عبدالسلام حقاني د خپلي وینا په ترڅ کي
چاپېریال ساتنه د ټولني د هر وګړي دنده وبلله او له هیوادوالو یې غوښتنه وکړه چې
چاپېریال ساتنې ته جدي پاملرنه وکړي، د ځنګلونو، ژوند بڼو، طبیعي سرچینو په ساتنه،
د هوا او اوبو او خاوړې د ککړتیا په مخنیوي کې خپل مسولیتونه ادا کړي.
ښاغلي حقاني پر نړیوالو ږغ وکړ چي بشري مسایل سیاسي نه کړي او د افغانستان ځنډول
شوي پروژې ژر تر ژره پیل کړي، ده وویل دا مهال د افغانستان خلک له اقلیمي بدلونونو
څخه سخت کړیږي او په دې برخه کي له جدي خطرونو سره مخ دي.
نوموړي ټينګار وکړ چي نړۍ دي زموږ پر حقوقو سترګي نه پټوي.
د چاپېریال ساتني ملي ادارې مرستیال دغه راز علمي او اکاډمیک بنسټونه وهڅول چي چاپېریال
ته د راپیښو ګواښونو په هکله علمي څېړني او تحقیقات وکړي او په دې برخه کې تر لاسه
شوي نتایج له حکومتي ادارو سره شریک کړي.
د غونډي په لړ کې د غالب پوهنتون استادانو محمد اصف ګرديزي او شکرالله شهیر خپل
چمتو شوي پرزنټېشنونه وړاندي کړه