وروستی
لښکرګاه کې د غږیزې ککړتیا د مخنیوي په موخه یو شمېر لوډسپیکرونه راټول شول
۱۴۴۵کال د ذی الحجې ۱۷مه/هلمند
د هلمند ولایت د چاپېریال ساتنې ریاست د څارنې او کنټرول ټیم
له خوا په لښکرګاه ښار کې د غږیزې ککړتیا د مخنیوي په موخه د کوچنیو کاروباریانو څخه
یو شمېر لوړ غږ لرونکي لوډسپیکرونه راټول او ضبط شول.
د نظارت په ترڅ کې د کوچنیو کاروباریانو مسوولینو ته د چاپېریالي
اصولو او مقرراتو په هکله لازم معلومات او پوهاوی ورکړل شو او همدا راز سپارښتنه
ورته وشوه چې نور دې د لوړ غږ لرونکو لوډسپېکرونو څخه استفاده نه کوي؛ ځکه چې لوړ
غږونه د ښاریانو په روح او روان ناوړه اغېزې کوي او د خلکو د نا آرامۍ سبب ګرځي.
د غږیزې ککړتیا د را ټیټولو او مخنیوي مقررې ۹مادې په اساس هغه وسایل چې له
مجاز حد څخه لوړ غږونه تولیدوي، ممنوع دي؛ څوک چې له دې امر څخه سرغړونه وکړي
قانوني چلند به ورسره وشي.