وروستی
مالستان کې د مرمرو او تراورتین ډبرو د استخراج کانونو د چاپېریالي وضعیت څارنه وشوه
۱۴۴۶کال
د صفر ۳مه/غزني
د غزني ولایت د
چاپېریال ساتنې ریاست نظارتي ټیم په کانونو کې د چاپېریالي اصولو د تطبیق په موخه
په مالستان ولسوالۍ کې د مرمرو او تراورتین ډبرو د استخراج کانونو د چاپېریالي وضعیت
څخه څارنه وکړه.
دياد رياست د
مفتشينو لخوا د ذکر شوو کانونو د فعاليتونو د معياري کولو په موخه هر اړخيزه کنټرول
او څارنه ترسره شوه او د څارنې په ترڅ کې چاپېریالي ستونزې په نښه شوې، د چاپېریال
قانون او مقرراتو په هکله د کانونو مسوولینو ته اړین معلومات او عامه پوهاوی ورکړل
شو او سپارښتنې ورته وشوې چې د معادنو د زائيدو موادو د مديريت، احتمالي ګواښونو د
تدابیرو او په مسئولانه ډول چاپېريال ساتنې ته جدي پاملرنه وکړي او خپل فعالیتونه
د ملي او نړۍوالو معیارونو په پام کې نیولو سره ترسره کړي.
چاپېریال ساتنه
د ټولو هېوادوالو دیني او ملي مسوولیت دی؛ هر څوک چې د چاپېریال د ککړتیا لامل شي
د قانون منګولو ته به وسپارل شي.