وروستی
د چاپېریالي ملي معلوماتي سیستم، ښوونیز ورکشاپ پای غونډه
په هرات ولایت کې د چاپېریالي ملي معلوماتي سیستم د ښوونیز ورکشاپ په پای غونډه کې د هرات ولایت مرسیتیال والي غلام داود هاشمي په ګډون، د چاپېریال ساتنې ملي ادارې مسلکي معین، انجینر عزت الله صدیقي، د هرات، غور، بادغیس، فراه، نیمروز د چاپېریال ساتنې رئیسانو او همدارنګه د یاد ولایت ځینو کارمندانو ګډون کړی وو.
په پیل کې ښاغلي هاشمي د هرات ولایت د چاپېریال ساتنې ریاست په پرمختګونو، فرصتونو، د تشکیل په پراختیا او د ولایتي ریاستونو پر امکاناتو خبرې وکړې.
د چاپېریال ساتنې ملي ادارې مسلکي معین ، انجنیر عزت الله صدیقي د هېواد په کچه د چاپېریالي هلوځلو، امکاناتو، اړوندو برنامو او همدارنګه د نړیوالوالو چاپېریالي برنامو په اړه معلومات ورکړل.
یاده غونډه د تصدیق پاڼو په وېشلو پای ته ورسېده.