وروستی
د (WASH) اوبو سکټور او حفظ الصحې د انعطاف پذیرۍ په اړه د اقلیمي بدلون په هکله د خبرو اترو پلاټفورم د رامنځته کولو په تړاو لومړنۍ مشورتي غونډه ترسره شوه
۱۴۴۶کال د صفر ۲۳مه/کابل
د چاپېریال ساتنې ملي ادارې پالیسي او مسلکي مرستیال ډاکټر
زین العابدین عابد په مشرۍ د (WASH) اوبو
سکټور او حفظ الصحې د انعطاف پذیرۍ په اړه د اقلیمي بدلون په هکله د خبرو اترو پلاټفورم
د رامنځته کولو په تړاو له اړوندو ادارو، ملي او نړیوالو موسسو له استازو سره نن
سه شنبه د ۱۴۰۳کال
د سنبلې په ۶نېټه
د دې ادارې د بند امیر د غونډو په تالار کې لومړنۍ مشورتي ناسته ترسره شوه.
غونډه د قران عظیم الشان مبارکو آیتونو په تلاوت پیل شوه
ورپسې د دې ادارې پالیسي او مسلکي مرستیال ډاکټر زین العابدین عابد د ګډونوالو
هرکلی وکړ او د اقلیمي بدلون په تړاو یې خبرې وکړې.
نوموړي وویل: له ټولو هغو کاري ګروپونو چې د امارتي ادارو
او وزارتونو د استازو، اکاډمیکو بنسټونو، ملي او نړیوالو موسساتو، او د ملګرو
ملتونو اړوند سازمان د استازو څخه جوړ شوي او د دغه مهم پلاټفورم په برخه کې کار
کوي مننه کوم.
ښاغلي عابد همدا راز د ملګرو ملتونو د ماشومانو د ملاتړ صندوق (UNICEF) څخه هم مننه وکړه چې په دې
برخه کې یې همکاري کړې ده. نوموړي وویل: اقلیمي
بدلون نه یوازې د WASH سکټور
بلکې زموږ د ژوند ټول اړخونه ګواښي. ده زیاته کړه د چاپیریالي ننګونو او د اقلیمي
بدلون سره مبارزه ګډ کار ته اړتیا لري موږ باید په دې برخه کې په ګډه کار وکړو.
ښاغلي
عابد وویل: زموږ تمرکز پردې دی چې څنګه کولای شو د
WASH سکتور د اقلیم بدلون په پروګرامونو او برنامو کې
ادغام کړو، ترڅو په یاد شوي سکتور کې د عملي کارونو پلي کولو لپاره زمینه برابره
شي. د دې ادارې پالیسي او مسلکي مرستیال وویل: موږ له خپلو اماراتي همکارانو تمه
لرو چې د واش سکټور پروګرامونه په خپلو اړوندو پالیسیو او پلانونو کې
مدغم او پلي کړي.