وروستی
د هواککړتیا راکمولو په موخه د ۷فابریکو او ۲۰نانوایانو له فعالیتونو نظارت ترسره شو
۱۴۴۶کال د صفر ۲۵مه/ کندهار-کونړ
د هواککړتیا راکمولو، مخنیوي او چاپېریالي اصولو د تطبیق په
موخه د کندهار او کونړ ولایتونو د چاپېريال ساتنې رياستونو مفتشینو لخوا د کندهار
په صنعتي پارک کې د ٦ توليدي او صنعتي فابريکو، اسعداباد کې د یخ جوړولو تولیدي
فابریکې او همدا راز کندهار ښار کې د ۲۰نانوایانو
له چاپېریالي وضعیت څخه څارنه وشوه.
د نظارت په ترڅ کې د یادو فابريکو او فعالیتونو د سونګ سيسټم
او د اوبو د ضايعاتو د مخنيوي او حفاظتي تدابيرو ارزونه ترسره شوه؛ موجوده چاپېریالي
ستونزې په نښه شوې او د چاپېريالي اصولو د تطبیق او د فعالیتونو د لا معياري کولو
په موخه د فابریکو مسوولینو ته اړيني سپارښتني وشوې.
د دې ادارې مفتشیو لخوا د یادو فعالیتونو مسوولینو ته د چاپېریال
قانون او مقرراتو په هکله لازم معلومات او عامه پوهاوی ورکړل شو.
چاپېریال ساتنه د ټولو هېوادوالو مسوولیت دی او هر هغه څوک
چې د اوبو، هوا او خاورې ککړتیا لامل شي له قانوني
چلند سره به مخ شي.