وروستی
د پلاستیکي بوجیو تولیدي فابریکې، د چرګانو د دانې توليدي شرکت او فارم څخه څارنه وشوه
۱۴۴۶کال د صفر ۲۸مه/ ننګرهار
د ننګرهار ولایت د چاپېريال ساتنې رئیس په مشرۍ نظارتي ټیم د جلال اباد ښار د
٩ناحيې لسمې ويالې سیمه کې د عزیزالله حسام اړوند د چرګانو د ساتنې فارم، د چرګانو
د دانې جوړولو له تولیدي شرکت او همدا راز شیخ مصري صنعتي پارک کې د فیصل کامران د
پلاستیکي بوجیو تولیدي فابريکې څخه نظارت وکړ.
د نظارت په لړ کې د یادو فعالیتونو مسئولینو ته موجوده چاپېریالي نېمګړتیاوې په ګوته
شوې او لارښونه ورته وشوه چې د چاپیریال قانون، مقررات، اصول او شرایط د فعالیت په
جریان کې رعایت او پلي کړي او همداراز د چاپېریال (اوبو، هوا، خاورې او غږیزې) ککړتیا
د کچې راټیتولو او مخنیوي او د غیر مترقبه پیښو د مخنیوي په خاطر ځانګړي تدابیر په
پام کې ونیسي؛ ترڅو یاد فعالیتونه د چاپېریال د ککړتیا لامل ونه ګرځي.
همداراز د چرګانو د دانې تولیدي شرکت او چرګانو د ساتنې فارم له مسوولینو څخه تعهد واخستل شو چې د بدبویۍ مخه و نیسي.
د صنعتي او تولیدي فعالیتونو مالکین مکلف دي چې د ګران هیواد د تل پاتې پرمختګ، د
اوسنيو او راتلونکو نسلونو د ژوند د خوندیتوب او هوساینې په موخه دې خپل فعالیتونه
له ملي او نړيوالو نورمونو او ستندردونو سره برابر کړي او هم دې د هوا د ککړتیا کچې
راټیټولو او مخنیوي مقررې د (۱۴) مادې د حکم په اساس د خپلو فعالیتونو د ساحې
لس سلنه( ۱۰٪ ) ځمکه شنې او زرغونې ساحې
ته ځانګړې کړي او ډول ډول ونې او شنه بوټي دې پکې کېنوي.