وروستی
د شوکاڼي او تیزابو د پروسس فابریکو د چاپېریالي وضعیت ارزونه وشوه
۱۴۴۶کال د ربیع الاول ۴مه/ ننګرهار
د هواککړتیا راکمولو، مخنیوي او چاپېریالي اصولو د تطبیق په
موخه د ننګرهار ولایت د چاپېریال ساتنې ریاست مفتشینو له لوري په شیخ مصري صنعتي
پارک کې د شوکاڼي د پروسس دو فابریکو او همدا راز د جلال اباد ښار اوومې ناحیې اړوند
سره رود سیمه کې د تیزابو د پروسس فابریکې د چاپېریالي وضعیت څارنه او ارزونه
ترسره شوه.
د څارنې
په ترڅ کې د ذکر شوو فابریکو اړوند ټول اړین معلومات راټول شول، مسوولینو ته یې
موجوده چاپېریالي ستونزې ور په ګوته شوې، د چاپېریال قانون او مقرراتو په هکله
عامه پوهاوی ورکړل شو او سپارښتې ورته وشوې چې خپل فعالیتونه د چاپېریالي اصولو
مطابق ترسره کړي.
د فابریکو مسئولینو د چاپېریالي چارو مفتشینو ته د هر راز
همکارۍ ډاډ ورکړ او د چاپېریالي اصولو او مقرراتو د تطبیق ژمنه یې وکړه.
د یادونې وړ ده چې د هواککړتیا راکمولو او مخنیوي مقررې حکم
پر اساس د تولیدي او صنعتي فابریکو مالکین مکلف دي چې د ګران هېواد د تل پاتې
پرمختګ، د اوسنيو او راتلونکو نسلونو د ژوندانه د خوندیتوب او هوساینې په موخه دې
د خپلو فعالیتو ۱۰
سلنه ځمکه دې د شنې او زرعونې ساحې لپاره ځانګړې کړي او ډول ډول ونې او بوټي دې پکې وکري.