وروستی
مهترلام کې د نورالصحت روغتون د چاپېریالي وضعیت څارنه وشوه
۱۴۴۶کال د ربیع الاول۱۸مه/ لغمان
د لغمان ولایت د چاپېریال ساتنې ریاست د کنټرول او تفتیش ټیم
له لوري په مهترلام کې د نورالصحت روغتون
د چاپېریالي وضعیت او طبي زبالو د تنظیم په موخه نظارت ترسره شوه.
د څارنې پرمهال د یاد روغتون د بیلابېلو څانګو څارنه او
ارزونه وشوه، موجوده چاپېریالي ستونزې د روغتون له مسوولینو سره شریکې شوې او د
طبي پاتې شونو د تنظیم، تفکیک او لهمنځه وړلو په هکله د روغتون مسوولینو ته لازمې
سپارښتنې وشوې.
همدا راز د چاپېریالي چارو مفتشینو لخوا د یاد روغتون ټولو څانګو ته د طبي پاتې شونو د مدیریت لارښودونه
ورکړل شول.
د چاپېریال قانون احکامو مطابق د ټولو دولتي او خصوصي
روغتونونو او کلینیکونو مسوولین مکلف دي چې طبي زبالې له عادي زبالو څخه تفکیک او
په ځانګړو زبالهدانیو کې واچول شي؛ همدا راز په ټاکل شوو ځایونو کې له منځه یووړل شي.