وروستی
کندهار او غزني د ۶فابریکو او ۲روغتونونو د چاپېریالي وضعیت ارزونه وشوه
۱۴۴۶کال د ربیع الاول۱۸مه/ کندهار-غزني
په فعالیتونو کې د چاپېریالي اصولو د تطبیق او طبي زبالو د
تنظیم او مدیریت په موخه د کندهار او غزني ولایتونو د چاپېريال ساتنې رياستونو
نظارتي ټیمونو لهخوا د کندهار په صنعتي پارک کې د ٦ مختلفو صنعتي او خوراکي توکو
توليدي فابريکو او همدا راز غزني ښار کې دهورايزن او حمزه معالجوي روغتونونو څخه
نظارت ترسره شو.
د نظارت په لړ کې د فابريکو د سونګ سيسټم او د اوبو د
ضايعاتو د مخنيوي او حفاظتي تدابيرو ارزونه وشوه؛ همدا رنګه د طبي زبالو د تفکيک
او تنظيم په موخه د ذکر شوو روغتونونو د ټولو برخو ارزونه ترسره شوه او د شته
ستونزو او نېمګړتیاوو د حل په موخه یې مسوولینو ته لازمې سپارښتنې وشوې.
د چاپېریالي چارو مفتشینو لخوا د فابريکو او روغتونونو مالکینو
ته د چاپيريالي اصولو او مقرراتو په هکله عامه پوهاوی ورکړل شو او سپارښتنې ورته
وشوې چې خپلو فعالیتونو کې چاپېریالي اصول مراعت او د ملي او نړيوالو معيارونو
مطابق یې عیار او ترسره کړي.
د یادونې وړ ده چې د دې ادارې مفتشین په مرکز او ولایتونو کې
د هواککړوونکو سرچینو څخه په دوامداره توګه نظارت کوي او هغه څوک چې د چاپېریالي
اصولو څخه سرغړونه کوي د قانون منګولو ته یې سپاري.